Rede galega de teatros e auditorios

Elenco: Daniela Saúdes e Esther Branca (ou Eva Soriano)

PREMIO" MELLOR PROPOSTA DUN CLÁSICO" EN FETEN 2020

Espectáculo Recomendado pola Rede Española de Teatros 2020

Orfeo é un mozo grego cuxa música é capaz de aplacar tormentas, mover as pedras e amansar as bestas salvaxes. Eurídice é unha nova ninfa protectora dos bosques e a natureza. Un día ambos se namoran. Pero a súa felicidade non dura moito tempo. Unha mordedura de serpe mata a Eurídice. Abatido, Orfeo decide baixar aos infernos en busca da súa amada.

Cun olliño aberto e o outro pechado os golfiños dormen, sempre atentos, dispostos a saltar en calquera momento e chegar ás nubes máis altas cos seus brincos, buscando o seu soño… Neste espectáculo Os Golfiños viaxarán por un mar de músicas cun repertorio moi variado, cantando novos temas e lembrando as súas cantigas de sempre. Enriba do escenario, unha guitarra, un teclado e a voz de Elena Paz.

Elenco: Raquel Espada, Victoria Teijeiro e Xurxo Cortázar

O PREMIO é unha comedia aceda que fala da situación das persoas dentro dun futuro próximo no que o progreso tecnolóxico e a loita cara ao éxito económico, sentimental e social fose tal, que se viron obrigadas a caer en O Premiocomo única fórmula de conseguir a felicidade.

O PREMIO é un reality en directo onde o público vota a quen merece levar o premio da súa vida: Morrer logrando a fama. Todo por un soño.

Tres finais posibles en función do desexo do público.

Claudio é un estudante de dezasete anos que senta na última fila. Non fala, non participa, non é problemático, non destaca, salvo en Matemáticas. Cada clase faíselle máis insoportable ata que Xermán, o profesor de Lingua e Literatura, manda escribir unha redacción sobre a fin de semana. A partir deste intre, Claudio empeza a transformarse en alguén que observa, imaxina e escribe a vida doutros nun relato por entregas para un só lector. Ese relato compartido polo discípulo e o mestre convértese nun xogo cada vez máis perigoso para eles e para quen os rodea.

Un par de trapeiros chegan a unha parada no seu camiño despois de días de longa viaxe cara á Feira do Vento. Traen consigo unha carga enorme de todo tipo de obxectos estraños: cortinas rimbombantes, paus de todos os tamaños, bolsas das que despuntan teas dunha chea de tecidos e cores distintas, e algo que semella ser unha enorme e aparatosa mochila de madeira. Abraiados ante a abundancia de público, dispóñense a situar as súas pertenzas no espazo con ánimo de venderlle algunha aos alí reunidos.

Unha traxicomedia biodegradable e ecosostible arredor da obsolescencia programada, da relación do ser humano cos obxectos e da degradación ecolóxica do planeta por mor da perversa lóxica capitalista, do crecemento e do consumo masivo de produtos.

Elenco: Marián Bañobre e Avelino González

Mowgli é curioso, desobediente, parvo e atrevido. Así como calquera mozo que
coñezas, sabes? Esta nova adaptación da historia de Rudyard Kipling fala sobre a estraña
historia dun neno perdido na selva india. Acabará sendo adoptado por Baloo o Oso, a pantera
Bagheera e todos os demais animais que chaman á misteriosa xungla fogar. Esta adaptación de
ritmo rápido manterache pegado ao bordo do asento mentres o mozo Mowgli atópase cara a
cara con monos folgazáns, voitres ruidosos e o seu inimigo mortal: o tigre, Shere Khan.

O Camiño de Santiago é a historia de Santiago e Mariña, dous irmáns que non xogan xuntos, pero que aprenderán a facelo.

Como cada noite, Santiago emprende o seu camiño acompañado de Branco, o seu cabalo inseparable. O que non espera é que hoxe se atopará no seu soño con Mariña e a súa gatiña Lupe. Vivirán aventuras e cantarán cancións para chegar ao Castelo Máxico (A Catedral de Santiago) para atopar o tesouro escondido.

O Apalpador é unha persoaxe mítica da tradición galega que estivo a piques de desaparecer pero do que aínda quedan testemuñas na zona do Caurel e os Ancaras.

Neste espectáculo recibimos a súa visita para que nos conte quen é, cal é a súa orixe, a que se adica no seu día a día … e o que é máis importante que consellos temos que seguir para que cando nos visite nos deixe unha presada de castañas e algún dos agasallos que el mesmo constrúe. Unha persoaxe entrañable que nos fará pasar unha hora chea de maxia.

Rita e Denis coñécense nas portas de Ningures. Levan moitos anos perseguindo este lugar. Imaxinaron e soñaron con esta ansiada meta en numerosas ocasións e preparáronse arreo para cando chegara o día. Cando por fin o conseguen atopan o que parece un obstáculo insuperable: tras esas portas aparentemente non hai nada. É no encontro inesperado, na convivencia, na sinceridade, no xogo, nas eivas ao descuberto, na superación dos medos, na amizade e na aprendizaxe onde atoparán o sentido de ter chegado tan lonxe. Conseguirán entrar?