Evento: Programación de actividades no Museo Liste de Vigo para o verán

O Museo Etnográfico Liste de Vigo presenta a súa nova programación de actividades para o terceiro trimestre de 2024, de xullo a setembro.

O programa inclúe información sobre:

A exposición temporal "Queridos obxectos: nostalxia e sedución"

Os obradoiros "emerxentes". Trátase de que o museo, como lugar de encontro e creador de experiencias que propician a interactividade, traballa con grupos, guiados por educadoras, para mergullarse no tema suxerido a través da contemplación, a manipulación, a construción, a comparativa e a reflexión. As propostas son as seguintes:

"A emoción, un atallo da memoria". A cultura como ferramenta terapéutica.
"Mans, espazo creativo". Visita inclusiva adaptada a persoas con discapacidade visual e auditiva.
"Entre culturas". Intercambio cultural e integrador para persoas inmigrantes.
"Diarios de memoria". Dirixidos aos nosos maiores perseguindo o enriquecemento mutuo.
"Sororidade". Enfoque de xénero na etnografía.
"Alianzas de colaboración". Campañas dirixidas ao asociacionismo afondando en intereses comúns

Por outra banda, as actividades especiais para o verán: "Os sons do traballo", "Mariano Marcos Abalo: a vida debuxada", "Bruxuleando", "Nunha aldea de Galicia..." e "Misión imposible".

A programación especial no verán é a "noite branca", o 26 de xullo.

A información completa pódese consultar nesta ligazón do Museo Liste