Contacontos/Narración oral

No país onde uns cantos mandan sobre o resto e onde existen regras que non permiten que as nenas, as mamás ou as avoas xoguen, saian ou traballen fóra da casa. O cambio desas normas tan inxustas conseguen crear un novo país, o País da igualdade onde nos gustaría vivir, aprendendo que entre todas e todos podemos construír unha nova realidade. Unha historia que nos convida a sentirnos iguais desde as nosas diferenzas.

No salón de actos. Dirixido a nenas e nenos de 3 a 8 anos. A entrada é libre ata completar a capacidade da sala.

Sesión de contos baseados na importancia da igualdade e a convivencia. Durante a hora que dura a actividade as pequenas e pequenos reflexionarán sobre a igualdade, as diferenzas entre homes e mulleres, a integración, a cooperación, a corresponsabilidade, … todo dun xeito moi lúdico e divertido.

No salón de actos. Dirixido a nenas e nenos de 3 a 6 anos. A entrada é libre ata completar a capacidade da sala.

Aprende ciencia facendo as túas propias pocións da man da bruxa Pinhuxa.

O termo bruxa foi acuñado na Idade Media coa idea de que un ser maligno outorgaba a certas mulleres poderes, fórmulas e artefactos para facer maleficios pero, en realidade, eran as primeiras mulleres con coñecementos de ciencia. Estes non proviñan da maxia, senón da súa propia experiencia e da experimentación con metais, minerais e plantas.

No Día da Eliminación da Violencia contra a Muller temos o contacontos “Cantas flores no firmamento” da man de Ana B. Trillo. Cantas facianas nun espello? Cantos usos nun caldeiro vello? Contos de onte e de sempre, de aquí e acolá, nos que a diferenza, o alleo son un punto de partida dun percorrido cara á empatía e á igualdade.

Pequenas historias, divertidas e participativas, contadas ao xeito tradicional e aderezadas con música e moito humor.

No salón de actos. Dirixido a nenas e nenos de 3 a 8 anos. A entrada é libre ata completar a capacidade da sala.

Lembramos o aniversario do nacemento de Xosé Neira Vilas co contacontos “O espantallo amigo” que narra a historia dun espantallo que non quería espantar merlos porque desexaba ser amigo de todos os animais e que estes fosen amigos entre eles. Unha tenra historia de amizade, liberdade e resolución de conflitos de forma pacífica contada e cantada por Servando Barreiro

No salón de actos. Para nenas e nenos de 3 a 8 anos. Entrada libre ata completar a capacidade da sala.

Texto de presentación da actividade

Avoa, que son as estrelas? Preguntou a nena sinalando ao ceo. O ceo é un espello-dixo a avoa- o que ti chamas estrelas é o reflexo da fogueira pequena que todos levamos no corazón. "Estrelas" é un espectáculo de historias de rapazas e mulleres reais e do mundo literario que loitan por un mundo sen violencia e con igualdade plena.

Programa

LER CONTA MOITO

Público/s ao/aos que vai dirixido

• Público infantil (maiores de 3 anos)

Duración

Texto de presentación da actividade

Esta é unha sesión de contos cheíña de historias do máis bobas protagonizadas por personaxes que, parecendo parvos, resultan do máis listos. Relatos de humor, enxeño, intriga e un chisquiño de medo sobre xente que anda coa cabeza a paxaros.

Programa

Outono na biblioteca

Público/s ao/aos que vai dirixido

• Público infantil (5-9)

Duración

50 minutos

Sesións

Texto de presentación da actividade

Con Aitana e a avoa, aprendemos a atopar cancións e xogos de tradición oral que dormen escondidos na memoria das nais e avoas, porque elas tamén foron nenas.  Outros contos violetas é un compedio de libros e albúms ilustrados que axudan a visibilizar os vínculos amorosos que forxamos dende pequenas ou romper estereotipos con Princesas que soltan peidos.

Público/s ao/aos que vai dirixido

• Público infantil (3 anos en diante)

Duración

45 minutos

Texto de presentación da actividade

É noite na granxa de Xan. Como todas as mañás o galo érguese antes de que saia o sol, sube ao alto do tellado e disponse a cantar. Pero ese día algo sae mal. O galo non pode cantar; e se o galo non canta o sol non se levanta!… Non será que Xan esqueceu darlle a cea aos animais a noite anterior?
Unha función chea de animais, pequenas historias e cantigas no día a día na granxa de Xan.

Programa

Outono de contos 2024

Público/s ao/aos que vai dirixido

Texto de presentación da actividade

Eva é unha exploradora que percorre o mundo! Hoxe está co seu amigo Pip-Pip, o pingüín que acaba de decatarse de que a auga na que se baña esta moooi sucia. Precisamos da vosa axuda para que o resto de pingüíns podan nadar na auga limpa e atopar comida!

Programa

Mes das bibliotecas

Público/s ao/aos que vai dirixido

• Público infantil (+3 anos)

Duración

45 minutos

Sesións