Cultura no Camiño

Unha gaita presenta a historia sobre o rito da queimada desde a simboloxía e as crenzas populares. Unha voz en off narra o que se anda a ver para que sexa facilmente comprensible.
Aparecen as meigas e interaccionan co público (coa discreción necesaria).
Por último o Druída é quen manterá a raia ás forzas do mal grazas á súa frauta, para poder conxurar e cociñar este brebaxe máxico, co que se invita aos presentes.

Esta programación pode sufrir modificacións. Confirmar datas e horas nos espazos onde se representa.

Pizpireta é unha gran contadora de contos e sempre vai acompañada do seu gran baúl máxico, só coa axuda dos máis pequenos conseguirá abrilo para que poidan saír todas as historias.

Trátase de historias interactivas acompañadas dos diferente elementos que Pizpireta vai sacando do seu baúl a modo de monicreques, complementos para caracterizar aos nenos e nenas de personaxes de conto e algún que outro elemento máxico.

Este espectáculo forma parte de Cultura no Camiño.

A animación á lectura dos máis pequenos está asegurada grazas á experiencia única de formar parte dun grupo musical, acompañado cancións moi axeitados ás súas idades.

Esta programación pode sufrir modificacións. Confirmar datas e horas nos espazos onde se representa.

Nelson Quinteiro presenta o disco "Orquesta Gharbo!" cunha nova formación en SEXTETO na que ademais de Álex Lorenzo (guitarra, pedais, coros) e Ólivier Cano (traveseira, saxo), o músico cangués farase acompañar do Trío Caspervek formado por Brais González Pérez (Piano) Eduards Vecbaštiks (Violín) Blas Castañer Ibáñez (Percusión).
O resultado desta xuntanza,  é un son envolvente e delicado que empaca os temas de Nelson Quinteiro dun xeito novo e moi interesante.

Quico Cadaval e Mofa & Befa

Evaristo Calvo e Víctor Mosqueira

Nestes tempos nos que os artistas son reclamados para traballar a prol das máis variadas causas, Mofa & Befa lanzan o espectáculo máis portatil da súa historia.

O patrón dun circo no que xa non traballa ninguén vese obrigado a disfrazarse de diferentes artistas para non ter que pechar o seu negocio. Parodiando a diferentes personaxes intentará levantar o espectáculo, pero durante o transcurso do show as cousas complicaránse.
Ilusionimo teatral con comedia, maxia musical, manipulación de cartas, malabarismo, clown, mentalismo, hipnose, etc.

Esta programación pode sufrir modificacións. Confirmar datas e horas nos espazos onde se representa.

Dende Maelock é percorrido polas composicións máis lendarias do grupo Milladoiro dende as súas orixes ata hoxe. Unha homenaxe á longa traxectoria do grupo folk galego por excelencia.

Este concerto forma parte de Cultura no Camiño, programación que leva música, teatro,  danza, maxia e novo circo polos concellos onde discorren as rutas xacobeas.

'O que hai que ver!' é unha combinacion dalgúns do mellores sketchs da historia de Fulano, Mengano e Citano, con outros de nova creación aos que se lle engaden unha serie de cancións orixinais cargadas de ironía, que crean, en conxunto, un 'todo' variado, dinámico e sorprendente, seguindo a liña de humor que caracteriza á Compañia.

En ¡Canta connosco! combínanse as cancións do disco do mesmo nome con accións dramáticas. Os temas que se tratan entre outros son: o coidado das mascotas; o consumismo na compra de xoguetes; a lectura como pracer fronte á TV e ós videoxogos; a importancia da imaxinación; o xogo do teatro; cancións que axudan a estudar; etc.

Os temas do disco que se interpretan neste espectáculo son: "Dime que fixeches", "O esqueleto", "O libro máxico", e "Ai, Patín".

Esta é a historia de dous irmáns: Santiago e Peque. É a aventura que emprenden para aprender a verse, e escoitarse de verdade, a aceptar ao outro tal e como é, coas súas virtudes e defectos. É un camiño desde o egoísmo cara á solidariedade e á tolerancia. Santiago e Peque aprenderán a apreciarse e quererse como irmáns, cantando e bailando ao son da música orixinal do espectáculo.

Esta programación pode sufrir modificacións. Confirmar datas e horas nos espazos onde se representa.