Cultura no Camiño

Xoán Curiel interpreta temas propios e músicas doutros poetas galegos, portugueses, casteláns e brasileiros. Un concerto para todos os públicos nun formato íntimo.

O concerto de Susana Seivane consta de temas habituais do seu repertorio, pezas tradicionais e de autor.

Poeticlub é un espectáculo de cabaret que trata sobre economía.

Poemas, cancións e confesións entrelázanse para ofrecer ao público un desvergoñado espectáculo onde a actualidade se toma con moito humor.

Iria Pinheiro e Jesús Tejada reciben aos espectadores no seu particular salón de variedades para lograr en conxunto a gran evasión.

Esta programación pode sufrir modificacións. Confirmar datas e horas nos espazos onde se representa.

Interpretado maxistralmente por Evaristo Calvo, O turista madrileño é unha creación de Zopilotes, trío composto polos guionistas Andrés Mahía, Carlos Ares "Parrocho" e Xosé Castro "Pato", artífices de AIR GALICIA, programa de humor emitido durante varias tempadas na Televisión de Galicia e gañador do Premio Mestre Mateo á mellor serie do audiovisual galego en 2008.

Este é o nome do espectáculo de maxia de cerca do mago Teto. Pequenos obxectos que fan posibles grandes milagres: cartas que toman vida nas mans do mago, moedas que danzan entre os dedos, navallas que cambian de cor cunha soa mirada,son algunhas das cousas que poden presenciar nesta hora de maxia en estado puro.

O mítico grupo paratradicional, con base en Ferrolterra, fai bailar a todos os asistentes cos seus ritmos folks e populares.

O narrador oral Santi Prego recompila para esta contada relatos propios ou vinculados coas diferentes rutas xacobeas.

Esta sesión de contacuentos forma parte de programa Cultura no Camiño que leva música, danza, maxia, novo circo e teatro polas diferentes rutas xacobeas.

Pesdelán é moito máis que un grupo de música. Mediante a música en vivo e o ensino de bailes e xogos sinxelos ao público, pretende recuperar o espírito participativo das festas e integrar a todas as persoas sen importar a súa idade, condición física ou experiencia.

• Paulo Medal (Explorador)
• Martiña Villar (Porquiño Pequeno)
• Susana Martínez (Porquiño Mediano)
• Andrés Viana (Porquiño Maior)
• Mariña Río (Lobo Feroz)

Como serían os tres porquiños e o lobo feroz hoxe en día? Onde poderían atopar un lugar seguro e limpo, lonxe das grandes fábricas, no que poder construír as súas casiñas? Que ritmos musicais empregarían para se presentar?

Autor e dirección: Luchi Iglesias

Espectáculo cómico musical con monicreques, moi participativo e lúdico.

É día de festa e o Paporrubio chega a granxa cargado de xogos e diversión para  tódolos presentes: nenos, animaliños  e monicreques.

Pero este paxariño non será quen de alimentar el só a porcos e porcas, pitos e pitas,  ratos e ratas … precisará a axuda de tódolos nenos!

Cunha posta en escena moi coidada e artesanal, e contando sempre coa interactuación do público,  Luchi Iglesias fará que os cativos sexan os protagonistas deste espectáculo.