A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
PAN!PAN! conta a historia de Harry, un cowboy americano que viaxa de Mississippi a Arkansas perseguindo a un indio salvaxe que roubou á súa muller, da que está profundamente namorado. A través da aventura deste antiheroe, redescubriremos ese mundo sen lei dos ranchos vaqueiros, as fedorentas cantinas e os desertos cheos de perigos. Como nunha película do Far West, haberá whisky, balas e country. Amor e vinganza a partes iguais.
Nesta ocasión o Mago Paco sorpréndenos coa súa última aventura. Unha viaxe pola Galiza máis festeira, acompañado de dous músicos un tanto peculiares.
Un espectáculo que mestura a maxia con música tradicional en directo, tratando de achegar a cultura, a troula e o folclore galego ós máis cativ@s da casa.
Espectáculo baseado na maxia infantil, no que o Mago Paco fai un percorrido polos seus mellores xogos de maxia.
Con esta actuación mergulla o público no seu mundo fantástico, cheo de ilusión e sorrisos.
Espectáculo escénico que forma parte da programación Cultura no Camiño.
Confirmar datas e horas nos espazos onde se representa.
Contacousas para tódolos públicos.
A música e as letras combínanse neste espectáculo do que ti tamén formarás parte. Só tes que traer o teu mellor sorriso!
Fitness é un espectáculo itinerante, no que a pallasa Marián Bañobre percorre en bicicleta os espazos públicos facendo deporte en todas as súas variedades, interaccionando e captando a atención dos transeúntes, que se verán transladados a situacións fóra da dinámica cotiá.
Grupo de recente creación xurdido como método cultural anticrisis e con moita experiencia nos escenarios.
Son parte doutras formacións nacionais con gran traxectoria como Alann Bique e outras de orixe irlandés.
Nun pequeno formato ofrecen a mesma calidade cuns costes máis asequibles, o repertorio é irlandés e/ou galego según necesidade e tipo de evento.
Este espectáculo xurde da idea de levar ao teatro os sketches que lles fixeron gañar o concurso 'Os Humorosos', do programa Luar da TVG.
Ademais, desexaban contar, sempre desde a comedia, algunhas das aventuras e desventuras do seu paso polo concurso: o proceso de creación, as súas impresións sobre a experiencia televisiva, os antes e os despois, as reaccións...
Este espectáculo humorístico forma parte do programa Cultura no Camiño, que leva teatro, danza, música e novo circo polos concellos onde discorren as rutas xacobeas.
Autor e director: Carlos Blanco
Elenco: Carlos Blanco e Luis Davila
Sinopse: O novo de Carlos Blanco, con Luis Davila, un debuxante de luxo. Ver debuxar a Davila en pantalla xigante, e en directo, as historias retranqueiras de Carlos.
Sinopse: Que pasa cando chamamos a unha empresa de reformas para que nos pinten a casa? Estamos seguros de a quen contratamos? Dous pintores que entre brocha e rodillo dedícanse a facer algo máis que pintar.
Historias divertidas e moita... maxia!
O Mago Rafa é unha persoa optimista e levou a cabo un novo proxecto, Reilusionarte. Desde o seu punto de vista, en épocas difíciles, como a actual, é aínda máis imprescindible ilusionarse, de aí este novo espectáculo, que ensina a mirar a realidade doutra forma, cos ollos dun neno.
Esta programación pode sufrir modificacións. Confimar datas e hotas nos espazos onde se representa
