Santi Prego percorre este outono 10 entidades da Rede de Dinamización Lingüística no marco da terceira actividade do programa FalaRedes: Contos en Rede.
Estas contadas queren servir para incentivar o uso do galego oral como ferramenta de creación artística, aumentar a oferta de actividade cultural en lingua galega para público de todas as idades, así como apoiar e difundir o traballo dos artistas que realizan a súa actividade en lingua galega.
Inacio Vilariño percorre este outono dez concellos da Rede de Dinamización Lingüística no marco da terceira actividade do programa FalaRedes: Contos en Rede.
Estas contadas queren servir para incentivar o uso do galego oral como ferramenta de creación artística, aumentar a oferta de actividade cultural en lingua galega para público de todas as idades, así como apoiar e difundir o traballo dos artistas que realizan a súa actividade en lingua galega.
Chegan o bo tempo, as vacacións… e unha proposta de lecer en galego orixinal e refrescante: un concerto que ofrece variedade de estilos musicais –con mestura de funk, rock, pop, reggae, bossa nova ou blues- e coreografías sinxelas para que o público non pare de moverse aos seus ritmos.
Todo con moito humor e co obxectivo de que o público cante, baile e improvise en galego. Ocio participativo para toda a familia!
Espazos alternativos en caso de mal tempo:
Os cativos e cativas de 4 a 8 anos teñen unha cita cos irmáns Bolechas, a quen deberán axudar a saír con ben dunha nova aventura: Carlos e Pili atoparán un aparello, construído polo científico turuleque Apolodoro, que os levará de viaxe pola historia, pero... que pasará cando a máquina se avaríe? Poderán os dous irmáns regresar ao seu tempo?
As fabas máxicas é unha proposta teatral pensada para nenos e nenas de máis de 4 anos e as súas familias, que gozarán do espectáculo tanto coma os cativos por mor da coidada escenografía, do humor e da poesía con que se vai tecendo a historia. Trátase dunha versión renovada do conto tradicional "Xan e as fabas" en que o propio Xan, coa axuda duns xeitosos monicreques, nos narra en primeira persoa as súas aventuras.
A coñecida familia Bolechas percorre desde esta primavera 56 concellos da Rede de Dinamización Lingüística para facer as delicias de cativos e cativas de 4 a 8 anos. Tatá, Sonia, Braulio, Loli, Pili, Carlos e Chispa son, neste espectáculo, monicreques manipulados por actores á vista. Os irmáns enfróntanse nun concurso con divertidas probas que deberán superar coa axuda do público asistente, que pasa de expectador a coprotagonista da actividade.
Concerto de fados en galego que se desenvolverá, entre xuño e decembro de 2014, en 36 concellos da Rede de Dinamización Lingüística. As cancións están interpretadas con guitarra eléctrica e pedal de loops por Gonçalo Guerreiro (da compañía Elefante Elegante) co acompañamento dixital e musical de Dani Pais, que se ocupa tamén dos sedutores xogos de iluminación. O espectador mergullará nun universo rítmico e melódico que viaxa do divertimento á nostalxia, do rock á canción de amor, do pop á música tradicional... sen nunca deixar de ser fado.
