FalaRedes

A compañía Contraproducións trae ao programa de dinamización lingüística FalaRedes o monólogo narrativo-teatral Memorias dun neno labrego. A peza está baseada na novela homónima de Xosé Neira Vilas, que foi o primeiro best-seller da literatura galega e de cuxa publicación se fan neste 2021 os 60 anos. Esta é, pois, unha homenaxe ao libro que lle descubriu a literatura en galego a varias xeracións de mozos e mozas, ao seu autor e a todos os nenos labregos que foron e son.

Trátase dunha peza baseada nunha historia real: o primeiro matrimonio entre dúas mulleres de que temos constancia en Galicia. Elisa e Marcela fala da diversidade desde o humor, a música e a perspectiva de xénero e aspira a recuperar a memoria dun feito da nosa historia do que este 2021 se fan os 120 anos.

A pluma viva de Rosalía, para todos os públicos a partir de 9 anos, está baseada nun feito real de censura a un texto da autora de Follas novas. Arranca coa visita sorpresa de Rosalía de Castro á imprenta de Soto e Freire, que acaba de ser atacada por un grupo de 200 seminaristas contrarios á publicación do artigo “El Codio”. A peza pon en valor a escritora e a súa defensa da nosa cultura, do noso idioma, da xustiza social, da liberdade e da igualdade entre mulleres e homes.

Redrum Teatro participa por primeira vez no programa de dinamización lingüística FalaRedes coa peza Invisibles, que chegará este outono ao Val do Dubra, A Pobra do Caramiñal, Soutomaior e o Consorcio de Turismo da Ribeira Sacra.

A compañía Malasombra Producións incorpórase ao programa de dinamización lingüística FalaRedes co espectáculo Bernarda. Trátase dunha peza teatral de enorme calidade, a máis premiada en Galicia no ano 2020, que fala da memoria da ditadura franquista e do papel da muller no contexto do franquismo e da transición.

Bernarda chegará este outono a catro concellos da Rede de Dinamización Lingüística: Neda, Ribadumia, Silleda e Salceda de Caselas.

Este 2021 cúmprese o oitavo centenario do nacemento de Afonso X, o rei sabio, o que compuxo en galego as Cantigas de Santa María, unha das obras cume da poesía e da música medievais europeas.

Como parte da celebración deste acontecemento, o programa de dinamización lingüística FalaRedes propón, entre outras iniciativas, Sabios, xogos e xograres. Ambientada na época do rei-poeta Afonso X, a actividade inclúe unha presentación inicial, un obradoiro de xogos medievais e unha competición de xogos ao vivo.

Talía Teatro volve ao FalaRedes, desta volta cunha comedia, un divertido espectáculo-collage para público a partir de 12 anos que fala da situación que atravesa a lingua galega e que está destinada a todo o mundo, independentemente da súa posición respecto aos idiomas: aos galegofalantes, aos que non o son, aos que queren selo pero non se atreven, aos que si queren selo e tomaron esa determinación, aos que non o falan porque non o saben falar ben, aos que tanto lles ten que se fale ou non, aos que pensan que o galego debería ser a lingua universal, aos que pensan que debería ser o inglés a

Libre coma os paxaros, da compañía Teatro do Atlántico, é unha peza teatral para público adulto e adolescentes de máis de 14 anos en que a figura protagonista é Rosalía de Castro, quen, interpretada por María Barcala, se dirixe ao público en primeira persoa compartindo as particularidades da súa propia orixe, do seu pensamento, da súa circunstancia social e dos condicionamentos que ten que superar para ser quen de exercer a creación poética e literaria.

O programa de dinamización lingüística FalaRedes e a Rede de Dinamización Lingüística súmanse á celebración do 800 aniversario do nacemento de Afonso X O Sabio, promotor dunha das obras cume, non só da literatura en galego, senón de toda a literatura e a música europea medievais, as Cantigas de Santa María. Fano a través do espectáculo Estrela do día, da compañía Producións Teatrais Excéntricas.

Por primeira vez, Teatro do Noroeste participa no programa de dinamización lingüística FalaRedes e faino cun espectáculo teatral para público adolescente e adulto interpretada por Miguel Pernas, Luma Gómez e Manuela Varela.

A través da figura de Uxío, un escultor e pintor considerado polos seus contemporáneos unha gloria nacional, a peza convídanos a reflexionar sobre o lugar que ocupan a creación artística e a cultura na sociedade actual.

Gloria nacional estará este outono, da man do FalaRedes, en Ortigueira, Barreiros, Cariño e Ponteareas.