Xela Arias pasou parte da súa vida en #igo, onde participou activamente da vida cultural. Visitade na biblioteca a mostra das publicacións das que fixo parte e das súas traducións ao galego.
Bibliografía: http://bit.ly/BPVXelaArias
Que pasa con todos eses zapatos que xa ninguén usa? Todos os dias chegan a un recuncho dun agochado xardín fantásticas historias, as vivencias que traen consigo unha morea de zapatos de todos os tamaños e cores. Unha rapaza é a encargada de coidalos, de darlles a benvida ao lugar onde vivirán para sempre, un lugar onde compartir emocións coas belas bailarinas, con Pechecho e os seus irmáns, cos namorados, co Sol e a Nube, e con centos de compañeiros que teñen moito que contar. Zapatos narra todas as historias, que levan dentro os zapatos que xa non teñen dono.
Gonçalo Guerreiro mestura os contos de sempre para crear unha nova historia na que conviven o cómico e o poético co teatro xestual e a música.
Un espectáculo interactivo, onde as figuras feitas en cartón cobran vida e onde os cativos poden entrar na casa da avoa dos contos para escoitar as súas historias.
Obradoiro creativo, realizado por Polo correo do vento, que mestura contacontos con actividades para nenos e nenas de máis de 3 anos. Repaso polas figuras de Ángeles Alvariño, Maruja Mallo, Ernestina Otero, María Victoria Moreno e moitas outras mulleres para contar e ilustrar.
A actividade ten unha duración de 60 minutos.
Contacontos sobre o bullying que se desenvolve en dúas partes: unha primeira onde contamos a historia e unha segunda un pequeno debate sobre o tema, na que os nenos califican o comportamento das personaxes do conto cunhas tarxetas vermellas ou verdes que lles entregamos, e entre todos intentamos corrixir os feitos que non nos gustan.
Silvia Penide e César de Centi unen forzas para levar as cancións de autor e un conto a un espazo no que os nenos e nenas van escoitar cada palabra como se fose un tesouro. Espectáculo recomendado para idades dos 4 a 11 anos.
Divertido obradoiro teatral para nenos e nenas e as súas familias impartido polos Quinquilláns a partir de Espantallo amigo de Xosé Neira Vilas.
Contos, cores e rock´n´roll chega da man de Paco Cerdeira como un espectáculo onde a interacción coas nenas e nenos, a súa música acompañada por contos, e as cores e debuxos de Laura Romero, quen o acompaña nesta actividade, son o principal atractivo para o público infantil e familiar. Está baseada no librocd de Pakolas: Cancións para rockear, para soñar e tamén sobre todo, para aprender.
Obradoiro de ilustración que busca coñecer, compartir e valorar palabras galegas combinando a linguaxe gráfica coa escrita, atopando as definicións perdidas dunha serie de palabras da nosa lingua co fin de crear un novo dicionario visual de palabras galegas.
Para nenos e nenas de 4 a 11 anos.
No obradoiro utilizarase o método zentangle para embelecer a letra inicial do nome do alumno creando unha pequena obra de arte en miniatura única. Zentangle é unha técnica sinxela que consiste en trazar patróns repetitivos que crea belas imaxes e fomenta a tranquilidade e a concentración, desenvolvendo a creatividade e a sensibilidade artística.
