Rede galega de teatros e auditorios

Sobre un transbordador espacial, casco en man, unha cosmonauta. COMETA é unha viaxeira inesperada que nos convida, a través da súa curiosidade e os seus descubrimentos, a mirar a nosa contorna con ollos novos. Con ela embarcarémonos nunha aventura galáctica para redescubrir e marabillarnos coa forza da gravidade, as posibilidades do movemento e o poder da empatía. A xeometría, o xogo e a velocidade
da luz. O universo, a imaxinación e as viaxes interestelares. E sobre todo, nunha festa para celebrar que nos atopamos!

Un encontro entre dous, un abrazo, o sentir ao outro, a comunicación sen palabra, o sentir do tempo inmerso nun mundo creado entre dous. Un soporte mútuo. Un tempo que se expande e detense coma se nunca fóra a acabarse.
Unha transformación, un cambio. Partes empezan a caer, outras a suxeitar. Ese instante esquécese e saen a luz as diferenzas; os polos opostos, a fraxilidade e a forza; o deixarse caer e o desexo porel control. O equilibrio e a inestabilidade. A verdadeira natureza humana.

Para que non me deixes aquí soa explora as interseccións entre o fermoso e o grotesco.

Nun xogo de máscaras e deformidades faciais, Julia Laport investiga a perda de identidade e a procura dun outro que poida cubrir esa carencia. As ilusións creadas con luces e sombras en escena por Laura Iturralde e as posibilidades de expandir e deformar o corpo con outros materiais que manipula Martín Gonçalves, amplifican o movemento dinámico e preciso de Waacking, transformando á artista nunha masa cambiante, cargada de posibilidades e en constante mutación.

Pensabades que morrera, pero estaba de parranda!

A máis importante superheroína galega é ben poderosa e supera todas as adversidades. Volve aturuxar dende o cumio do Pindo a nosa Nabiza Girl acompañada nesta aventura polo seu fiel escudeiro, Don Galizo, para loitar contra as inxustizas e os problemas que asolagan a nosa terra.

Nesta nova odisea as nosas superheroínas pasarán por un feixe de situacións disparatadas nas que Nabiza deberá empregar todas as súas habilidades para sobrevivir e vencer ao inimigo para salvarnos.

En Aurora Boreal exponse a durabilidade das cousas. Reflexiónase sobre a durabilidade dunha obra escénica. Pode cambiar co tempo? Precisa mudar, ou quedar conxelada?

Contos para rir co medo, para rir co disparate, para atopar ás cousas que alumean de verdade.

Espectáculo de narración oral para público infantil e familiar maior de 4 anos.

Entra o fascinante mundo da Cinemaxia.

Cada número de ilusionismo encarna un xénero cinematográfico diferente: dende a elegancia do cine de época ata a adrenalina das películas de acción, pasando pola fantasía, a ciencia ficción e o romance. Entre os actos máis impresionantes, o público verá cómo obxetos icónicos do cine cobran vida, personaxes clásicos aparecen da nada e esceas famosas transformanse en espectaculares ilusións.

Con efectos especiais e unha banda sonora que evoca a maxia dos clasicos do cine.

Moby Dick é unha proposta de teatro para público familiar a partir de 4 anos. Un espectáculo de Pedras de Cartón creado a partir da afamada novela de Herman Melville que xoga coa figura do gran cachalote protagonista da novela, un monicreque de tres metros creado polo titiriterio Iker Pérez.
Moby Dick conta a historia de Ismael, un mozo que decide embarcar nun barco no que vivirá unha morea de perigosas aventuras.

A figura do derradeiro rey Plantagenet, Ricardo III de Inglaterra é pouco coñecida, do mesmo xeito que acontece con outros moitos monarcas medievais. O coñecemento da existencia deste rei da casa de York entre o público é principalmente debida á utilización que o dramaturgo e poeta William Shakespeare fixo do seu nome para a criación dunha das súas obras mais coñecidas; “The life and death of king Richard III” coñecida tamén como “A traxedia de RicardoIII”.

Karmento é unha artista folclórica manchega que inicia a súa andaina artística no ano 2012, cando decide irse a vivir á illa de Malta. Alí comeza a relacionarse con músicos internacionais e empeza a escribir as cancións que conformarían o seu primeiro álbum Mudanzas. A partir de 2020, cando publica o álbum Este devenir, empeza a situarse como un dos grandes nomes do neofolclore español.