O atardecer, cos últimos raios de luz do día, entra no teatro. Entre a escuridade e as cores avermelladas, alaranxados e azuis, irán aparecendo, personaxes máxicos, grilos e melodías clásicas que darán a benvida á noite. As estrelas nos guiñarán o ollo e as luces cálidas dos fogares abriranse. Mentres tanto, os máis pequenos de casa, a ritmo dunha sutil melodía, pecharán os ollos entrando nun soño doce e profundo. É nese momento cando chega Madame Lumière.
Corre o ano 1962 en Las Palmas de Gran Canaria. O novo Capitán Xeral Don Pedro e a súa esposa María Luisa Fernández do Campo, a nova responsable da Sección Feminina, chegan a unha Canarias que deben manter baixo control #ante o fervente cristianismo e as normas da ditadura.
Mentres tanto, no recoñecido cabaré Fígaro están a piques de estrear o seu próximo espectáculo: A Voda; unha sátira mordaz contra o réxime franquista interpretada pola exitosa compañía Os Cancán.
Os do fondo da barra nacen do grupo de cantareiros de Xacarandaina, asociación constituída no 1978 para a investigación do folclore galego, sempre procurando a maior pureza e semellanza coa realidade e pretendendo ser unha ferramenta de transmisión da arte popular de Galicia. Ben en solitario ou acompañando ao grupo de baile teñen percorrido gran parte da Península e participado en festivais no extranxeiro, acadando numerosos premios e recoñecementos por todo o mundo.
Multipespectivas de Paula Quintas é unha proposta orixinal e novidosa que parte da perspectiva do espectador como reflexión contemporánea. Combina improvisación teatral, danza e circo, deixando espazo para a interacción co público. Unha proposta que experimenta cos límites das artes escénicas para enfrentarse coa realidade do espazo que nos rodea.
MULTIPERSPECTIVAS é un proxecto con diferentes fases.
Multiperspectivas#1. Sen estruturas de funambulismo. Estrea Festival Escenas do Cambio. 2021
Inspirada nos clásicos contos de bruxas e no folclore, esta produción da compañía Katua&Galea Teatro achégache a un mundo misterioso e cheo de perigos, no que tres valentes irmáns desatenden as advertencias da súa nai e penétranse nun bosque escuro onde descobren unha casa na que vive unha bruxa. Alí os tres protagonistas terán que enfrontarse aos seus medos para poder escapar
CHEGA A FESTA DO NADAL COA GRAMOLA GOMINOLA E O SEU NOVO ESPECTÁCULO “AI VÉN O APALPADOR - ESPECIAL NADAL”
A Gramola Gominola é unha banda de auténtico Rock&Roll en galego para público cativo.
A banda está composta por Paco Cerdeira (Pakolas, Zënzar), Paula Romero (De Vacas, banda de Guadi Galego, Coro Encaixe), Anxelo de Xermar (Festicultores Troupe) e Rodrigo Muñoz (S4N7, Nebra, Wealman).
O grupo naceu no ano 2015 e dende entón deron centos de concertos poñendo ao público en pé cos cornos en man!
No noso furancho pódese consumir o excedente de viño, que é sinónimo de humor, e gozar dun espazo de comunión e complicidade no que o público acode a empaparse coa máis pura e sincera expresión da comedia hilarante.
Un personxe solitario en busca de compañía explora a súa imaxinación para dar vida a cada un dos seus pensamentos.
A través deste proceso, consegue sentirse acompañado e leva ao público por un camiño cheo de sorpresas e risas.
Cando o tempo deixa de ser pasado e deixa de ser futuro.
Cando o presente cáesenos enriba.
E vivimos o presente coa intensidade dunha chama que nos arde dentro,
como dous seres que se aman e que arden no aquelarre da noite.
Dous seres que bailan para sobrevivir a este tempo convulso e cambiante.
Unha chama que arde baixo os nosos pés, nun chan que se abre e se pecha,
como un gran animal que respira fondo, un animal que desexa ladrar,
que desexa gritar, que desexa correr.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo.
Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar.
