Rede galega de teatros e auditorios

Ceibe traballa sobre o xénero e as súas formas de operar en diferentes ámbitos da cotidianidade, incluindo unha manifestación cultural tan  importante como o baile tradicional. Trátase de entender que é o xénero para nós como individuos, como colectivo e tamén como sociedade. Reflexiona sobre as categorías de xénero e os seus estereotipos impostos socialmente para establecer distancia coa normalidade e arrastrala cara as marxes e desde ahí plantexar e construir novas formas de entender o corpo e o movemento.

Oswaldo Digón e Rafa Duran presentan o espectáculo de impro definitivo. Un show que che cambiará a vida.

Unha moza chea de maxia, uns nenos cheos de ilusión, luares de soños, mil e unha historias que contar…

Así é como un día nace Ó Titiribaile. Era o verán de 2008 cando arrincaba este conto, un conto polo momento sen final.

Erica González Miguel, con moitas ganas por meterse de cheo no mundo do teatro, a fantasía e os contos decide montar esta compañía. Nese momento pon a toda a súa familia a axudala. Así é como ao pouco empeza a crearse esta empresa e é entón cando Erica dáse conta que os soños, poden facerse realidade.

O equipo de Culturactiva S. Coop. Galega, Fina Calleja e Paula Carballeira asumimos con ilusión, respecto e certa responsabilidade levas ás táboas do teatro a figura de Alfonso R. Castelao, posiblemente o maior referente cultural do noso país. Mais tamén comezamos este proxecto coa seguridade de que cómpre realizalo, xa que consideramos imprescindible que o público máis mozo, nomeadamente os rapaces e rapazas de entre 6 e 10 anos coñezan, a través da súa infancia, a vida e obra dun xenio irrepetible.

Nesta ocasión Luís quere compartir con tod@s vos como chegou a Galicia desde a súa Madrid natal, na busca das orixes da primeira muller que publicou un libro na historia, Rosalía de Castro. E tamén quere contarvos como nesta busqueda descubriu unha linguaxe máxica, O Galego, o idioma no cal falan as magas, as fadas e os trasgos. Facendo un percorrido pola literatura infantil da infancia de Rosalía, nos libros atopou refuxio xa que na súa nenez tivo que superar diferentes enfermidades e neles atopou un refuxio marabilloso, que máis tarde serviu de inspiración para a súa marabillosa obra.

Caldas e Mancho, que se consideran a si mesmos #ruralinfluencers no seu día a día, falarannos das redes sociais, da fama, dos recordos, das ilusións, da familia, da ecoloxía, da eficiencia enerxética, da falsa realidade, da cultura, da política, de ser ou non ser...

Roi e Rafa son dous antigos amigos da infancia que se atopan na Rapa das Bestas en Sabucedo logo de moitos anos, Roi marchou a vivir a Madrid e Rafa segue a vivir na vila. De pequenos eran moi amigos pero foron distanciándose polas circunstancias da vida. No seu encontro en Sabucedo comezan a aflorar outro tipo de sentimentos que estaban ocultos, e dunha amizade comeza a xurdir unha paixón.

Brokeback Sabucedo é un canto á diversidade, unha homenaxe a tradición galega e unha crítica á enerxía eólica.

Sempre se soubo, claro está, que as anduriñas son aves de bo agoiro, que alí onde aniñan traen fortuna, que anuncian a primavera e que os mariñeiros as tatuaban na pel por cada travesía da que lograban retornar. Pouco se fala, en cambio, do molestas que se lle fan a moita xente co seu canto agudo e de que enchen todo de excrementos. Por iso estas aves dan boa sorte, pero teñen mala fama. Ningún outro animal se parece tanto aos emigrantes galegos: estamos en cada continente, vivimos facendo colonias, temos na cabeza o camiño de volta a casa e marchamos por necesidade.

Canta, Buguina, canta! Soprando a nosa buguina, comezaremos a nosa viaxe nunBarquiño de Pau. Veremos illas onde viven caracois, galiñas

poñedoras e vacas. Regaremos a herba. Xogaremos coa marea que sobe e baixa. Cantaremos cancións de gaivotas e moverémonos coma nécoras. E incluso daremos unha volta baixo o mar.

Barquiño de Pau é un espectáculo de teatro de obxectos e música para a primeira infancia. Exploramos os sentidos dunha maneira amena, coa participación das crianzas, con diferentes texturas coma os módulos de papel estraza ou as esponxas

naturais.

BAILADOR é un espectáculo de danza galega contemporanea baseado nas músicas de Berrogüetto. Trátase de unha obra coreográfica que, dende o movemento, rinde unha profunda homenaxe a unha música que non naceu para ser bailada, onde a danza de raiz galega mistúrase con outras linguaxes do movemento para darlle un sentido corporal á música dun grupo que transformou o xeito de entender a música da nosa terra.