Leticia Rey é unha das claras promesas da música galega, tras gañar o Premio Estudios Mans da Fundación Paideia decidiu apostar en firme pola súa carreira musical
Concerto de Leticia Rey xunto ao excepcional pionista Iago Mouriño presentando o disco LuX, grabado en directo, e temas inéditos e algunha versión.
Un concerto moi recomendable para ciclos de música intimista con unha voz que sorprende a calquera que a escoita por primeira vez.
Esta é a viaxe iniciática dunha Cabra Montesa chegada ao mundo nun remoto e inhóspito lugar. Un día decide emprender unha longa viaxe na procura dunha vida máis próspera e amable, unha ousadía que tornará nunha Odisea digna de calquera heroína mitolóxica.
A pesar de todos os malogrados intentos de convivencia pacífica coa raza humana, a protagonista non é quen de se entenderse coa nova veciñanza de dúas patas.
Esta peza pretende amosar a vida desas mulleres que, dentro do contexto complexo que lles tocou vivir, conseguiron ter certa autonomía e incluso chegar a gañar máis que os homes en anos nos que isto era inaudito: As costureiras. Cómo reaccionou a sociedade ante este feito?
Poñemos o foco en diferentes costureiras da Comarca da Ulloa, abordando o cooperativismo e a soidade, a costura como traballo e/ou expresión artística, a memoria e a industria téxtil…
Ela e el foron parella.
Foron deses amores inesquecibles que marcan un antes e un despois na vida, porque todo o poñen patas para arriba, revísano, sacódeno, desmóntano e vólveno armar.
Logo de tanto tempo separados, talvez hoxe sexa o día xusto para volver atoparse por primeira vez.
Unha historia para saír do teatro con moi boa sensación no corpo, con gusto, alegría e esperanza.
Unha historia para falar e reflexionar sobre iso que chamamos “amor”.
Unha paisaxe desolada: podería ser un vertedoiro, unha fábrica abandonada, unha trincheira, unha vella estación. Ducias de cadeiras en montóns desordeados.
Tres personaxes abafados por completar unha tarefa que non comprenden e que nunca rematan. Falan, calan, discuten, retórcense, pelexan e danse apertas. Pasan da angustia á euforia cada pouco. Non saben por que están alí, nin o que lles espera. Parece que non poden marchar. Benvidos, isto é ABSURDIA.
Que pasaría se a nosa vida fose sincronizada como o Tour de Francia , ou como os saltos sincronizados…? E se nos comportásemos como cert@s deportistas na nosa rutina diaria? Este espectáculo baséase na cotiandade da vida retransmitida como un deporte en directo para crear un mundo rexido polo absurdo, onde o xesto deportivo e o mundo real mestúranse nunha quimera de disparate continuo. Estas situacións cobran vida grazas á combinación de técnicas como a danza e os portés acrobáticos.
En Kennebec reflectimos o noso sentir como artistas, mulleres e nais que vivimos no rural.
Trátase dun concerto experimental con música electrónica e textos poéticos.
Mónica de Nut e Iria Pinheiro unen as súas traxectorias artísticas para experimentar novas músicas
e formas inusuais de traballar a palabra.
INFLUENCIAS: Laurie Anderson, Björk.
ETIQUETAS: electrónica, experimental, vangarda,
improvisación, paisaxes sonoras, lírica.
É un espectáculo de clown que quere emocionar aos espectadores, devolver as ganas de vivir e de xogar coma un cativo. Unha comedia xestual para todos os públicos, un espectáculo de humor branco que pretende facer chorar da risa e da emoción. Un sopro de aire fresco, un divertimento que non renuncia a tratar a través da risa temas máis controvertidos como son a precariedade laboral, o sentido da vida ou a inexorabilidade da morte.
Os contos do Lobicán, é unha historia en verso, áxil e atrevida, destinada a nenos e nenas de entre 3 e 8 anos, que busca darlle a volta aos contos clásicos ao tempo que transmite unha mensaxe educativa e valores universais como a amizade, a cooperación, o respecto pola natureza, o pensamento crítico e a importancia da imaxinación.
Nun mundo distópico onde a tecnoloxía tomou o control e a maxia da comida caseira perdeuse, coñecemos a Clara, a última panadeira tradicional. O seu pan artesanal é o último vestixio de autenticidade nun mundo de alimentos procesados. Os nenos da aldea, intrigados pola súa misteriosa receita ancestral, axudaranlle a preservala dos plans dunha corporación que busca monopolizar a industria alimentaria. Xuntos, loitan por manter viva a tradición do pan caseiro e descobren que a verdadeira maxia está na conexión entre as persoas e a comida feita con amor.
