Cultura no Camiño

Como conseguir evitar que o medo te paralice, cando eres pequena e todos te din que non podes? A clave está en SUPERHARTE. Un espectáculo cunha mensaxe de empoderamento para todo o público, os adultos, os nenos e sobre todo as nenas: vencer o medo e ser capaz de facer o que semella imposible. Buscando a confianza en si mesma e grazasó apoiodo público, Patty conseguirá chegaró máis alto. Compartindo polo camiño a alegría da superación constante dos temores máis profundos. Todo isto con moitas risas, acrobacias, bailes e o globo máis grande que poidas imaxinar.

Diferentes artistas circenses deleitarannos ó longo de aproximadamente unha hora e media con números de clown, malabares, equilibrios, acrobacias aéreas, lume e moita interacción co público.

A Gala de circo Moc Moc é un espectáculo familiar, único e irrepetible, confeccionado especialmente para cada ocasión, que fará vibrar a todo o público coa maxia do circo e das artes escénicas.

O dúo formado por Iria Estévez e Gonzo Piña leva varios anos de exitosa andaina, nos que mostraron o seu traballo de versións e temas propio, actuando en todo tipo festivais, actos culturais e salas de toda a xeografía peninsular.
Actualmente presentan en directo o proxecto Camiños do Fado; un concerto no que experimentan cos distintos estilos de fado, poñéndoo en diálogo con outras músicas, como a cantiga galega e a música brasileira, entre outras, ofrecendo unha visión ampla do que o fado supón, a partir daqueles aspectos que comparte con outros estilos musicais.

Cantante galega, especializada en fado e músicas de raíz, que conta  cun amplo percorrido no ámbito musical, tanto como intérprete como  creadora de múltiples proxectos, destacando Clave de Fado ou   Arifi (gañadores do Burgos, raíz  e evolución, 2017), presenta “DE AMÁLIA A CHAVELA”emotivo espectáculo, a música convértese no ponte que une a dúas lendarias figuras femininas: Amália Rodrigues e Chavela Vargas. Estas artistas desafiaron convencións sociais e culturais, deixando un legado perdurable na historia da música.

“Diógenes” describe unha intensa viaxe cara ó nebuloso abismo da psique. Un singular proceso expiativo tras unha extraordinaria vivencia que confronta o ego, obrigando a unha análise das propias paixóns dende un lugar de contemplación.

 O despertar da conciencia a través da consciencia evoca a eterna disputa respecto ó vínculo existencial entre virtude e felicidade, e exixe levar á práctica todo o coñecemento atesourado e máis aquela sabedoría innata que busca constantemente a ledicia do ser.

Monólogo creado a partir das historias recollidas durante a elaboración do material gráfico da Exposición Ao Pé do Lar.

Mentres cociñamos a lume manso, contamos historias. Dende ésta premisa Sole Felloza percorre o país, escoitando as mulleres.

As voces desas mulleres suben ao escenario para contar de tempos sin tempo.

Así falan as señoras Lola, Juana, Emérita, Palmira, Otilia, Erundina e tantas outras ao carón da lareira, ao redor da cociña de ferro. Nese altar da memoria que empeza nas súas mans e medra nos seus ollos.

Dani Royo presenta unha proposta de concerto acústico intimista, dirixida a todos os públicos. Ao longo do espectáculo con cancións que son pura verdade e van directos ao soul, presenta o sinxelo inédito de Antonio Flores oh mi sol! coa colaboración na coautoría das letras. En cada un dos seus concertos vivirás unha auténtica montaña rusa de emocións e sensacións.

Baixo o lema "O mellor e o peor dos 80 e 90 en concerto" Carta de Ajuste articula un show no que a comedia e a música fusiónanse a partes iguais, buscando a complicidade e interacción do oínte en todo momento e envolvendo ós asistentes nunha festa fóra do común. Facer ó publico protagonista en cada concerto retrata a filosofía desta agrupación musical, que transforma cada actuación nunha paréntese, onde os asistentes conseguen esquecerse das rutinas e preocupacións diarias a través da música.

Espectáculo de actores e obxetos que narra a verdadeira historia dos tres porquiños…mellor dito, dos dous porquiños e a súa irmá, una porquiña moderna, intelixente e loitadora. Unha visión actual que defende dous principios fundamentais: a igualdade e a solidaridade.

Castro y Los Escoltas, é o proxecto persoal do guitarrista Miguel Castro. Nace no sur de Pontevedra durante o confinamento, coa idea de facer rock nun sentido amplo. Abrangue estilos desde rock clásico ata soul ou sons máis densos.

Os seus compoñentes son veteranos no panorama galego. Foron ou forman parte de proxectos como The pretty shirts, Gold&Colt ou Pegas Negras.