Ler conta moito

O debuxo rítmico é unha proposta que desde a música ordena os primeiros trazos de garabateo ao conectar ritmo, palabra e gráfico. A través da canción e a música traballaremos o corpo, as partes do corpo e o movemento de cada un deles. A nena ou neno seguirá o rítmo camiñando, correndo, saltando e repetindo coa voz até debuxar no aire os trazos que escoitaremos na canción.

Obradoiro dentro do programa Ler conta moito, da Rede de Bibliotecas de Galicia.

Nenos e nenas: 3-12

Un libro, un cheiro, un conto... Un traxe especial, para un rei especial. O traxe novo prometía ser un capricho inigualable e unha ferramenta perfecta para saber o nivel de intelixencia dos habitantes da corte. Pero, sería certo?, funcionaría?; de algún xeito si, pero non como él o esperaba.

Espectáculo de teatro para o programa de Ler conta moito, da Rede de Bibliotecas de Galicia.

Nenos e nenas: A partir de tres anos

Un paseo polos álbumes ilustrados, polo seu proceso de creación e as súas partes. Unha experiencia creativa a partir das palabras para convertelas en ilustracións.

Obradoiro dentro do programa Ler conta moito, da Rede de Bibliotecas de Galicia.

Nenos e nenas: de 3 a 18 anos
Colectivos con necesidades especiais: Persoas con discapacidade psíquica, sensorial, motora. Duración: 90 minutos

Sinopse: A miña amiga Filipa, (moneco "muppet") mais eu, propoñémosvos, a partes iguais, unha viaxe polos contos tradicionais e o repertorio infantil de Carlos Casares (Letras Galegas 2017), amenizados con música e canción en directo (guitarra e voz).

Actividade de narración oral para Ler conta moito, da Rede de Bibliotecas de Galicia.

Nenos e nenas: 3 a 12

Mergullámonos? Un conxunto de historias que nos convida a explorar o mundo das emocións.

Actividade de narración oral para Ler conta moito, da Rede de Bibliotecas de Galicia.

Nenos e nenas: 0-9 anos

Espectáculo de narración oral, onde as nosas lendas tradicionais lles achegan o mundo rural e antigo ás rapazas e aos rapaces, descubríndolles á maioría un modo de vida descoñecido.​

Sesión de narración oral de María Xosé Queizás para Ler conta moito, da Rede de Bibliotecas de Galicia.

Nenos e nenas: a partir de 3 anos

No país de Cocoricoricó pasan cousas moi estrañas. Alguén roubou o arco da vella e ningún animal consegue atopalo. Pero as pitas e os pitiños do curral de Cocoricoricó sairán na súa busca e non pararán ata atopalo.

Actividade de contacontos para Ler conta moito, da Rede de Bibliotecas de Galicia.

Bebés de 0 a 3 anos

Dúas cociñeiras atoladas e un pouco máxicas cociñan en colaboración co público, un saboroso bico mentres contan un conto sobre o amor imposible entre un mago e unha bruxa... ou non tan imposible? Con cancións, xogos e outras sorpresas coas que desfrutar e soñar.

Espectáculo de Trécola Teatro para o programa de Ler conta moito, da Rede de Bibliotecas de Galicia.

Nenos e nenas: 4 a 10 anos

Sinopse: No país de Cocoricoricó pasan cousas moi estrañas. Alguén roubou o arco de vella e ningún animal consegue atopalo. Pero as galiñas e os pitiños do curral de Cocoricoricó sairán na súa busca e non pararán ata atopalo.

Sesión de narración oral de Ler conta moito, da Rede de Bibliotecas de Galicia.

Bebés de 0 a 3 anos

Un orixinal espectáculo  para o programa Ler conta moito, da Rede de Bibliotecas de Galicia, onde as mans non pararán de falar. Mans é un espectáculo de teatro e narración oral, onde as historias se contan con palabras e as personaxes aparecen nas mans.

Nenos e nenas: 4 a 10 anos