Ler conta moito

A través de A galiña azul, farase unha explicación amena do seu autor, Carlos Casares, e do que significan as Letras galegas. A galiña azul virá moi ben acompañada, de xeito que coñeceremos outras obras de Casares e algúns contos de tradición. Despois da sesión de contos, desenvolverase un obradoiro. Para que a obra de Casares perdure no tempo, máis aló do seu día.

Obradoiro lúdico dentro do programa Ler conta moito, da Rede de Bibliotecas de Galicia.

Nenos e nenas: a partir de 4 anos
Colectivos con necesidades especiais: discapacitados psíquicos

A actividade consiste na narración na voz dunha nena (a propia autora) que de pequena tiña medos, pero que aprendeu a escorrentalos a través da poesía. Cada un dos poemas trata un dos medos que normalmente afectan á infancia (escuridade, treboadas, pallasos, médicos...), ao final do cal se amosan as razóns polas que se debe eliminar ese pánico.

Actividade de narración oral para Ler conta moito, da Rede de Bibliotecas de Galicia.

Nenos e nenas: 3-6

No Contiario collen todo tipo de contos: contos que empezan ao revés, contos con moitos finais, contos de nunca rematar, fábulas, cantares de cego, contos minúsculos, adiviñas...

Actividade de narración oral para Ler conta moito, da Rede de Bibliotecas de Galicia.

Nenos e nenas: 4 a 10 anos

Imaxes artísticas, lecturas e actividades plásticas conforman estes divertidos obradoiros nos que os rapaces observan, dialogan, xogan e crean a partir de imaxes artísticas e textos literarios e establecen divertidas conexións entre artes visuais, a literatura, a historia e mesmo a ciencia. Todo isto a través de seis personaxes imprescindibles. Como para non descubrilos a través dos libros!

Obradoiro lúdico dentro do programa Ler conta moito, da Rede de Bibliotecas de Galicia.

Nenos e nenas: 5 a 14 anos e familias

Desde unha aproximación experiencial, asertiva e moi humorística, neste obradoiro tratarase de contar a propia experiencia do autor, empatizar coas inquietudes do público e amosar o proceso de creación básico dunha viñeta ou dunha banda deseñada: desde a inspiración e idea inicial ata a plasmación final sobre o papel ou soporte dixital.

Obradoiro dentro do programa Ler conta moito, da Rede de Bibliotecas de Galicia.

Unha viaxe por países coma Brasil, Cuba, Xamaica, os Balcáns, Galicia e lugares máxicos por descubrir. Cantaremos co público xéneros musicais coma o rock, a bossa-nova, o rap, o son cubano, o reggae, o ska, descubriremos paisaxes sonoras distintas gozando e aprendendo ao mesmo tempo. É un formato reducido ideal para bibliotecas e espazos pequenos.

Actividade de narración oral para Ler conta moito, da Rede de Bibliotecas de Galicia.

Nenos e nenas: 3-14

BiblioCanta é a fórmula marabillosa para que os nenos e nenas se acheguen ó cancioneiro tradicional galego á vez que saborean e desfrutan das cancións propostas. Permitindo recuperar e que non caian no esquecemento estes ditos, recitados e cancións transformándose de novo nunha forma de lecer e de expresión.

Actividade de narración oral para Ler conta moito, da Rede de Bibliotecas de Galicia.

Nenos e nenas: Entre os 3 e os 12 anos

A Titiricleta do Titiricleteiro chega á biblioteca, pilotada por un grupo de monicreques solidarios chegados de Bangladesh, A India, Guatemala... Levará as nenas e os nenos de viaxe a mundos fantásticos, na procura da paz.

Esta actividade forma parte da campaña de dinamización da lectura Ler conta moito, que leva a cabo a Rede de Bibliotecas de Galicia.

Nenos e nenas: 5 a 12 anos

Obradoiro lúdico educativo, que nos achega, dun xeito ameno e participativo, este fascinante mundo. Mediante unha dramatización moi visual, amósanse todos os pasos da elaboración dunha película; desde a creacion do guión ata a dobraxe, que -como non- os asistentes realizan.

Obradoiro dentro do programa Ler conta moito, da Rede de Bibliotecas de Galicia.

Nenos e nenas: 6-12

O debuxo rítmico é unha proposta que desde a música ordena os primeiros trazos de garabateo ao conectar ritmo, palabra e gráfico. A través da canción e a música traballaremos o corpo, as partes do corpo e o movemento de cada un deles. A nena ou neno seguirá o rítmo camiñando, correndo, saltando e repetindo coa voz até debuxar no aire os trazos que escoitaremos na canción.

Obradoiro dentro do programa Ler conta moito, da Rede de Bibliotecas de Galicia.

Nenos e nenas: 3-12