María Faltri, tamén vocalista da Banda das Apertas de Magín Blanco, chega agora cun espectáculo orixinal e sorprendente: unha picadiscos de música infantil. Durante o seu espectáculo María brindaralle aos cativos e cativas unha escolla da mellor música infantil galega para que non deixen de xogar e bailar. Tamén para que aprendan as cancións da man dos libros da súa pequena biblioteca ambulante.
A italiana Maria Mazzotta é unha das voces máis apreciadas da world music europea. Os seus concertos atrapan o público e mergúllano nunha viaxe a través das emocións da alma, atopando no canto e na tradición popular salentina do sur de Italia, o vehículo perfecto para experimentar a catarse, a forza, o amor ou o esquecemento. Chega agora por primeira vez a Galicia acompañada do acordeonista Antonio de Luca.
Función en colaboración con Turismo de Galicia e dentro do programa CULTURA POR ALIMENTOS, unha iniciativa de Afundación a favor de FESBAL (Federación Española de Bancos de Alimentos).
O acceso a este concerto será mediante a doazón de alimentos non perecedoiros que irán destinados ao Banco de Alimentos local, previa retirada da invitación en Ataquilla.com. Suxerimos os seguintes produtos de maneira prioritaria: conservas, leite, aceite, cereais, galletas, cacao ou alimentos infantís.
CECILIA LAVILLA (soprano) e MIGUEL ITUARTE (piano)
Universo entre cancións é un espectáculo que fusiona arte e ciencia. Máis especificamente, no espectáculo entretécese un conxunto de narracións sobre o cosmos (o seu nacemento, o ceo nocturno, os astros que o habitan, o noso lugar no universo…) con cancións propias que o celebran.
No patio do Museo Etnolóxico, actuación polo Día Europeo da Música do alumnado do Conservatorio de Música de Ourense.
A festa europea da música é un evento nado en Francia e na actualidade celébrase en todos os continentes: unha xornada dedicada á reivindicación e á promoción da música como linguaxe universal da humanidade. Así, é interesante destacar algúns dos principios que hai que respectar, segundo a súa Carta de 1997:
A Fundación SGAE, a iniciativa do Consello Territorial SGAE Galicia, presenta a quinta edición do festival Acento. A creación musical en Galicia vive un momento de auxe xeneralizado nos diversos estilos, e esta programación trata de ofrecer unha representación da escena actual. Acento integra o novo pop de Carlos Ares, a retranca de De Vacas e dos valores do Laboratorio de Creación Musical de Fundación SGAE Galicia: Carolina Rubirosa e Gargantúa. Pechará a festa Abraham Boba, líder de León Benavente, ofrecendo unha sesión como DJ.
Músico galego de orixe, universal polo seu destino e innovador por convicción, Budiño será o protagonista do concerto polo Día da música que poderedes gozar, de balde, o 21 de xuño na Cidade da Cultura. Acompañado dunha banda de novos talentos e algunhas das mellores voces dentro do 'neo-tradi' e o folk que se está a facer en Galicia, Budiño escolleu a Praza Central do Gaiás para presentar na capital galega o seu último disco, Branca Vela.
Festival de música e danza tradicional.
Promovida polo Espazo de Danza da USC, trátase dunha actividade con acceso libre para o público xeral.
PROGRAMA
Ismael Serrano volve sorprendernos cun novo espectáculo cheo de poesía, no que convida ao público a gozar do privilexio de escoitar, ademais dos seus éxitos habituais, temas inéditos. Temas que, sen dúbida, se converterán en novos himnos para lembrar aquel tempo efervescente no que nos sentimos intensamente vivos e o futuro era noso.
Marky Ramone celebrando o fantástico legado de Ramones.
Son concertos apoteósicos, grandes festas de rock and roll, unha oportunidade única de poder vivir RAMONES en vivo.
