Unha noite, sobre unha folla iluminada pola lúa, había un ovo.
Unha mañá ao levantarse o sol, cálido e resplandecente, saíu do ovo, un verme con moita, moita, moitísima fame.
E púxose a buscar que comer
Duración: 30 minutos.
De 0 a 3 anos.
Inscrición previa dende a o luns anterior á actividade, presencial ou chamando ao teléfono 886 120 445.
A historia dun ratiño que para protexerse invéntase unha criatura chamada Gruffalo. Contacontos en inglés sobre a diversidade e a inclusión cunha pequena actividade manual relacionada coas emocións, tamén traballarán os valores que se representan no conto.
Duración: 60 minutos.
A partir de 4 anos.
Inscrición previa dende o luns anterior á actividade de forma presencial ou chamando ao teléfono 886 120 445.
Supercoroza, protagonista de Na Eira e na Lareira, é salvagarda do noso: da nosa xente, da nosa lingua, música, contos e tradicións. O seu superpoder é a recuperación da tradición e procura a transmisión cultural a través da música, baile, contos… dun xeito ameno, divertido e participativo.
Duración: 45 minutos.
A partir de 4 anos.
Inscrición previa dende a o luns anterior á actividade, presencial ou chamando ao teléfono 886 120 445.
Grazas á música, o bardo Abelardo conseguiu traducir á linguaxe dos humanos os sentimentos dos seres que habitan no fondo das fragas, dos ríos e dos mares.
Como a súa cabeza está chea de paxaros, voa de vila en vila e de cidade en cidade contando e cantando historias que falan de paz, solidariedade e respecto á natureza.
Duración: 45 minutos.
A partir de 4 anos.
Inscrición previa dende a o luns anterior á actividade.
Contos e cancións para a cativada, narrados con efectos sonoros, xogos corporais e onomatopeas e libros de imaxes.
Para escoitar á calor dunha aperta.
Duración: 30 minutos
De 0 a 3 anos.
Inscrición previa dende a o luns anterior á actividade.
Cando sentimos rabia, mágoa ou dor, temos que soltar, ata a veces estoupar.
É aí cando o monstro das emocións manda en nós, pero temos que aprender a levalo con nós, coma quen adestra un canciño a non morder ou a non esnaquizar as nosas cousas.
A partir de 4 anos.
Inscrición previa dende a o luns anterior á actividade na biblioteca ou chamando ao teléfono 886 120 445.
Monólogos, stand up, clown, maxia cómica, animación musical... A nosa gala do humor xunta todo isto e máis en escena grazas a diferentes artistas que deleitarán ó público con gargalladas sen igual durante aproximadamente 80 minutos.
Ata fai non tanto, escribir, e máis publicar, eran privilexios reservados só aos homes. Por medo a ser rexeitadas ou a non ser tomadas en serio, moitas escritoras ao longo da historia víronse obrigadas a ocultar as súas verdadeiras identidades baixo un pseudónimo masculino.
Elas sempre contan, escriben, pintan, imaxinan outros mundos.
Son escritoras que loitan por construir un mundo mellor a través da palabra. É necesario facer visible o traballo das mulleres na literatura e combater a discriminación que sufriron ao longo da historia.
Destacada pintora, membro da xeración do 27, muller adiantada ao seu tempo ... todo iso e moito máis foi Maruja Mallo. Con música, debuxo e moito humor coñeceremos un pouco mellor a unha muller que marcou unha época.
Data e hora: venres 14 de marzo ás 18.00 h.
Público destinatario: infantil, a partir de 3 anos
Entrada de libre ata completar a capacidade da sala
En 2023 regresaron as TRES VELLAS con un novo repertorio: TRES VELLAS NA ROMARIA. Saimos do mundo do traballo e buscamos nas memorias das devanceiras os dias gloriosos de romarias e festas, os bailes, os milagres, as devocións, os exorcismos as empanadas e os melindres, o viño novo e a caña brava… As TRES VELLAS lian á cabeza os seus mais fermosos panos rameados, para sair a bailar as muiñeiras, xotas e bailes charros nos turreiros das festas.
