Unha estrutura cúbica, translúcida na súa cara superior. Aos lados, ábrense ollos de boi que permiten asomarse ao interior. Un interior onde Estrella García interacciona cos nenos, que se asoman e contemplan o feito escénico dende un punto de vista atípico e moito máis próximo Aupapá, Premio OH! de Artes Escénicas 2012 á Mellor Proposta Escenográfica, crea unha atmosfera pracenteira, un reduto de observación tranquila, tecido con luz, sons e xestos.
Unha estrutura cúbica, translúcida na súa cara superior. Aos lados, ábrense ollos de boi que permiten asomarse ao interior. Un interior onde Estrella García interacciona cos nenos, que se asoman e contemplan o feito escénico dende un punto de vista atípico e moito máis próximo Aupapá, Premio OH! de Artes Escénicas 2012 á Mellor Proposta Escenográfica, crea unha atmosfera pracenteira, un reduto de observación tranquila, tecido con luz, sons e xestos.
Bailar é perigoso, ameaza o sistema, complica a situación. A danza incomoda, afecta, descoloca e complexiza os modos de estar hexemónicos. A danza, contaxiosa e invasiva, desestabiliza as lóxicas da palabra, ameaza a linguaxe normativa. Bailar pode ser unha epidemia. Esta bailarina non ten trucos de maxia preparados. O seu material coreográfico é basto e ás veces incomprensible, fracasa nos xiros coa perna esquerda. Esta bailarina nunca quixo ser Giselle.Con todos nós: un corpo en rebelión, atravesado, sublevado, a bailarina non normativa, a bailarina faquir, a taumaturga, a subalterna.
Baseado nos textos do escritor Carlos M. Cipola (1922-2000). “Leyes Fundamentales de la estupidez humana”, estes textos danos pe para facer unha crítica á sociedade, para reflexionar sobre o presente sen esquecer o pasado, para intentar arranxar algo, aínda que sexa a nos mesmos.
Mimesis é un espectáculo de danza que se constrúe coma un ritual iniciático á vida. Nel a música, a luz e o movemento atenden ao proceso cognitivo dos máis pequenos. É unha coidada produción internacional realizada entre España e Alemaña, que parte dunha idea: a imitación como vía de relación co mundo. Aprendemos porque repetimos aquilo que vemos.
O público acomódase 360 grados arredor da acción nun espazo voluble que invita á atención e o descubrimento…
Dende os ritmos latinos, o vibrante swing ou o seductor Zouk brasileiro ata danza contemporánea ou o actual reggaeton. Universal leva aos espectadores nunha viaxe a través dos diferentes xéneros e culturas de baile ao redor do mundo.
“Camiños que parten” é un espectáculo multidisciplinar de 20min de duración para espazos non convencionais para tódolos públicos que combina a música en directo e a danza. O espectáculo enlázase cunha intervención musical de Mounqup de 40 minutos, facendo un total de 60 minutos.
Tacón Gitano é flamenco, pero non un flamenco calquera, é a voz dun pobo, o pobo xitano. Un pobo que soubo conservar ata os nosos días unha forma de vida e unha cultura propias. Un pobo que expresa como ninguén os seus sentimentos feitos música. As súas penas e as súas alegrías xa son patrimonio da humanidade e asolagan case calquera recuncho do planeta de beleza e arte. Galicia non ía ser menos, e ten neste espectáculo embaixadores do mellor flamenco xitano: os Fernández e os Salazar.
Despois do gran éxito de 2022 coa primeira xira por España do Ballet de Kiev, que quedou marcada na memoria de todos nós coa tinta vermella que, con trazo groso, describe a traxedia que se está a vivir, en 2023 o O Ballet Kiev percorrerá unha vez máis as salas máis prestixiosas de España. As bailarinas e bailarinas do Ballet de Kiev ofrécennos unha incrible versión do Lago dos Cisnes.
Doazón a UNICEF para apoiar o seu traballo na emerxencia de UCRANIA de 1,5 €por cada entrada vendida.
Fogar é música, é danza e mais é performance, unha instalación sonora. Unha peza onírica sobre as raíces, as que non se ven, as que votamos de menos e algunha vez tivemos que cortar pra poder avanzar. Fogar é tamén unha conversación entre o amor e o desaire ao que fumos; a pertenza, a búsqueda da liberdade individual, o quen somos sen influencias. Un recordo connstante, ramificado e indescifrable. Un pensamento recurrente que nunca abandónanos.
