Espectáculo

Texto de presentación da actividade

Brinca Vai! De aquí a acolá é un espectáculo baseado no libro-cd-dvd “Brinca Vai!”, editado por Kalandraka Editora, no que se combinan cancións, animacións e interpretacións cos ritmos e rexistros máis divertidos. As alegrías, as amizades, os libros, a poesía, a ecoloxía, as festas do ano e o respecto á nosa lingua serán parte da equipaxe nun camiño onde a música soa con forma de sorriso.

Programa

Do cole á biblio

Público/s ao/aos que vai dirixido

Texto de presentación da actividade

A Maga Sargantana nace da confluencia dos contos e a maxia. Este tenro personaxe enche de enerxía todo o espazo. Rescatamos os grandes valores: amizade, compartir, solidariedade, amor, descubrimento... Os espectadores convértense en aprendices da arte de vivir a través de trucos e poesía, e como por encantamento, deixa de ser público e convértese aos poucos en protagonista dun especial encontro.

Programa

Día das Bibliotecas

Público/s ao/aos que vai dirixido

Texto de presentación da actividade

Hai moitos anos, no Lonxano Oriente, naceu un símbolo que viña do poder para reprimir ao pobo: os Tres Monos Sabios. Cada mono significaba unha acción: non ver, non oír, non falar.
Nós dámoslle a volta.Os nosos monos van escoitar, ver e falar. Van pensar, van actuar... e van ser catro!
Catro contos para falar de como nos relacionamos entre nós e co medio, para soñar con outro mundo posible.

Programa

Enmarcado nas actividades da Semana da Biblioteca

Texto de presentación da actividade

Poucos días hai no ano tan misteriosos e máxicos como Samaín e para pasalo de medo non hai nada mellor que con moita maxia! O noso espectáculo temático de Samaín está cheo de maxia sorprendente, divertida e pensada para a ocasión, ademais de incluír un fondo de escenario acorde co tema destas datas para facer de calquera celebración de Samaín ou Halloween un evento inesquecible.

Programa

Do cole a biblio

Público/s ao/aos que vai dirixido

Texto de presentación da actividade

Espectáculo que introduce no xénero da poesía a nenas e nenos pre- lectores e primeiros lectores.  As cancións do rato Fuco a partir de poemas de Manuel María ou Antonio García Teijeiro, a prosa poética de Kueta Pacovská e o seu "O Pequeno rei das flores", ademais de xogos rimados con participación do público, son os elementos que serven a tal fin.

Público/s ao/aos que vai dirixido

• Público infantil (de 4 a 8 anos)

Duración

45 minutos

Texto de presentación da actividade

Mon e Pe, ou o que é o mesmo os Ghazafelhos,  buscarán contos na biblioteca onde o lobo é o protagonista e interpretaranos coa axuda nenas e nenos do público fomentando a súa creatividade, expresión corporal e oral, traballando arredor dos roles de xénero e do respecto polos demáis.

Programa

Ler conta moito

Público/s ao/aos que vai dirixido

• Público infantil (de 3 a 8 anos)

Duración

50 minutos

Texto de presentación da actividade

Dous avós rechonchos e divertidos enredan todo o día con contos que aprenderon de novos.
Estes dous amigos se complementan tan ben que son capaces de enfeitizar a xente con xogos de palabras enlazadas. 
Teñen verba dabondo e un repertorio infinito.
Disque a xente de antes escribía pouco e o gardaba todo na cabeza, e non por iso a tiñan máis grande. así sempre tiñan cousas interesantes para contar.

Público/s ao/aos que vai dirixido

Texto de presentación da actividade

Hai moitos anos, no Lonxano Oriente, naceu un símbolo que viña do poder para reprimir ao pobo: os Tres Monos Sabios. Cada mono significaba unha acción: non ver, non oír, non falar.
Nós dámoslle a volta.Os nosos monos van escoitar, ver e falar. Van pensar, van actuar... e van ser catro!
Catro contos para falar de como nos relacionamos entre nós e co medio, para soñar con outro mundo posible.

Programa

Mes da biblioteca en conmemoración do 24 de outubro-Día das bibliotecas

Texto de presentación da actividade

A Maga Fani achéganos unhas sorpresas e uns ​a​​​​​braios rebuldeiros, para non deixar de escaravellar na testa, rascar na caluga ou apiñar nova información no hipocampo.
Benvid@s a un espectáculo con mollo de participación da concorrencia, maxia e risadas.
Unha escolma de aventuras, co fin de pousar encol da mesa a afirmación seguinte: os libros, as bibliotecas e as amizades son fenomenais!.
 

Programa

LER CONTA MOITO

Público/s ao/aos que vai dirixido

Texto de presentación da actividade

Un orixinal espectáculo que instala un vistoso teatrillo a modo de unha barraca de feira ou de circo antigo e no que o mestre de cerimonias e a súa artista internacional farán as delicias dos máis pequenos e tamén dos máis crecidiños transformando algúns contos populares desde un punto de vista moito máis cómico e actual e dende unha perspectiva de xénero.
 

Público/s ao/aos que vai dirixido

• Público infantil

Duración

50 minutos