A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Este proxecto céntrase na investigación do teatro rural amateur e infantil, así coma na creación dende o 2014 de espectáculos para tódolos públicos.
Juan Manuel Frade e Beatriz Rodríguez, xunto con Cristina Collazo formaron parte da primeira peza da compañía, O Circo dos Contos. Na actualidade, Pilar Abades e Cristina Collazo continúan o proceso.
Pablo Trasno é un dos maiores referentes do Novo Circo Galego e un dos seus artistas máis completos e aclamados. Con máis de mil funcións nas súas costas e experiencias en escenarios de España, Portugal, Reino Unido, India, Rusia, Cuba, Arxentina, Francia, Bélxica e Brasil.
Show de rúa para o programa Cultura no Camiño.
Espectáculo sobre o amor, ese curioso
sentimento ou obsesión que nos afecta a
todos, sobre todo ao noso protagonista. Os
paxaros cantan, as flores espertan, o sol luce
radiante... e Manicus fracasa.
Amor e odio, xenio e estupidez nuha mesma
persoa..Malabares cos recordos, baile de
suspiros, paixón descontrolada e poesía da
vida .A través da manipulación de obxectos,
do pallaso é do circo viviremos unha hora de
diversión asegurada para tódolos gustos e
públicos.
“Guillermo Solo” está a piques de chegar a cima da súa vida profesional. En primicia mundial vai presentar o seu ecléctico espectáculo de malabares e clown no famoso Hotel Bellagio en Las Vegas, pero o destino desbarata a esperada estrea. A crise faise notar no Bellagio, que ten que facer recortes.
Festival de Circo Pistacatro é a posibilidade de realizar un verdadeiro festival circo nas vilas formado por varios números e espectáculos circenses xuntos, ao modo dos grandes circos de sempre pero a pé de rúa, con ou sen escenario.
Actividade para Cultura no Camiño. Confirmar datas e horas nos concellos das rutas xacobeas onde se representa.
Un xitano balcánico chegou á cidade. Chega sen papeis, infrinxindo as leis, alterando a orde pública, transgredindo tódalas normas. Non sabe comportarse, é un auténtico furacán na rúa. A xente rirá e chorará con él, porque todos levamos a un neno dentro con ganas de xogar.
Un Circo que viaxa sobre tres rodas. Un Biciclo do século pasado transformado nun espectáculo ambulante. Un circo sustentable, que non emite gases nin polución, alternativo, funcional, autopropulsado e ben equilibrado.
Dimitri Cavalli é unha excéntrica personaxe, de múltiples personalidades. Ao longo do espectáculo, este mestre de cerimonias amósanos as súas incribles habilidades circenses con números de: Malabarismo, equilibrios imposibles, maxia mental, manipulación de sombreiros, exhibicións de forza e destreza ... moita destreza.
Que lle acontece a un pallaso cando o seu ego supera o seu propio nariz? Que pasa cando un pallaso se fai preguntas e se responde a si mesmo no medio das súas rutinas? Que lle ocorre a un pallaso cando se decata de que está neste mundo para algo máis que se erguer todos os días? Asústase..., e volve ser un pallaso.
Un tendedeiro en equilibrio, seis instrumentos interpretados ao vivo: guitarra eléctica, guitarra portuguesa, acordeón, entre outros, e ata Peter punk se atreve coa armónica!
Peter Punk é xa unha personaxe e un espectáculo de referencia en calquera programación de Galicia.
Gañador do Premio do Público do Mundoclown 2008 e recentes xiras por Canarias, Madrid, Brasil, Portugal, Palestina, Cataluña, Asturias, ....
Autor: Isaac Rodríguez Miranda
Dirección: Walter Velázquez
Chega o novo espectáculo de Peter Punk, logo de triunfar en Galicia, España e xiras polo Brasil, Italia, Palestina e Portugal.
Actuación dentro do programa de novo circo de Cultura no Camiño que leva todo tipo de espectáculos escénicos, de musica, maixa e danza polos concellos das diferentes rutas xacobeas.
Esta programación pode sufrir modificacións. Confirmar datas e horas nos concellos onde se executa.
