A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Se algo podemos destacar de SÉS é o seu enorme carisma e forza persoal, xa de sobra amosada en centos de concertos e actuacións ao longo de toda Galiza, percorrendo diferentes escenarios, pobo tras pobo e cidade tras cidade. Aos poucos e grazas á transmisión boca-orella, a súa intensa personalidade e honestidade á hora de manifestarse, foi conquistando o público cun caudal de enerxía que chama pola unión e o cuestionamento do establecido.
Expresión corporal: Mari Ah!
Músico: Alvaro Muras
Audiovisuales: Angeles García
Camiño dunha confluencia artística que nos leva a unha experiencia extrasensorial difícil de esquecer por medio da danza, a música e os audiovisuais.
Unha sinerxia de expresións peregrinando cara á vangarda.
Vai é o grupo formado por Xosé Ramón Vázquez no acordeón, Giao Rodrigues na guitarra e a mandolina e Roberto Santamarina no violín. Os tres foron membros de Fía na roca, onde se coñeceron e tocaron xuntos durante quince anos. Agora presentan este proxecto, un formato acústico adaptable a todas as situacións, sólido no musical e lixeiro na posta en escena.
A súa música é na maior parte de composición propia pero sen deixar de lado o mellor repertorio tradicional, do que interpretan varias pezas tentando darlles un aire orixinal.
Todos los camiños conducen a Roma se presenta como unha iniciativa pioneira dun novo artista galego facendo uso de diferentes linguaxes da arte contemporánea (sempre relacionado coa música) está no camiño certo para ofrecer unha alternativa cultural para peregrinos, en colaboración con artistas doutras nacionalidades proporcionando un encontro sociocultural, expresión e interacción artística, o que beneficiará todos os fans de música do autor e, máis precisamente, os que realizan as rutas de peregrinación a Santiago de Compostela e Roma.
Por Josito ou Moncho, os personaxes que interpreta en Padre Casares e Era visto! é coñécido en media Galicia.
Este lingüista metido a actor, mazaricano de trinta e oito anos, é xa un dos grandes da ficción no audiovisual galego.
Como humorista, Federico Pérez é autor do monólogo Ración de Breogán, onde interpreta a un sorprendente Breogán, que nun rexistro cómico conta como fundou Galicia.
Fábula galénica (Baía Edicións/Xunta de Galicia, 2011) que foi o VIII Premio Barriga Verde de textos para teatro de monicreques na modalidade infantil homenaxea co título as narracións tradicionais, as radios de galena e a ciencia farmacéutica.
Fábula Galénica é un xogo coa literatura da transmisión oral no que salientan as súas doses de humor, diversión e a mensaxe ecoloxista (Carmen Ferreira en El Correo Gallego)
Actores: Benxa Otero e Inacio Vilariño
Grupo de música extremo festeiro de repertorio taquicárdico, que vai das melodías balcánicas a coñecidas pezas da música clásica e do cine, pasando pola música tradicional galega e latina, aportándolle sempre o espírito necesario para o baile e a festa.
A banda está integrada por instrumentos de vento-metal e percusións varias. A formación principal compóñena: trompeta, clarinete, saxo alto, saxo tenor, trompa, trombón, tuba, caixa readornada, timbais e bombo-platos.
Impresións e paisaxes, como o primeiro libro de Lorca é a nova proposta artística do guitarrista e investigador Samuel Diz, en torno a guitarra na Xeración do 27.
O amor nas súas diferentes formas convértese en temática recurrente de “Entre dous mares”. Dende a pureza do afecto universal e sincero de “Máis amor” ata o arraigo transformado en dor de “Arde el mar” pasando polas reminiscencias das cantigas de amigo no “Romance de Mirabella”.
