Camiños é un espectáculo musical de formato individual no que Magín Blanco interpreta temas propios para os/as nenos/as, guiando esta interpretación con contos, adiviñas e moitas sorpresas. Esta é a proposta máis cercana entre público e autor na que Magín procura a axuda e participación do público na interpretación das cancións e na resolución das cuestións que plantexa este Camiños.
A través de experimentos espectaculares percorrerase o mundo creado por J. L. Rowling analizando desde a óptica da ciencia a viabilidade no mundo real ou non do universo literario de Harry Potter.
Os clowntíficos explicarán de forma divertida como é o método científico, con adiviñas, retos, bromas e moita diversión.
Espectáculo para nen@s de 6 a 10 anos.
Na sala de obradoiros.
O papel da edición foi determinante na transmisión das culturas ao longo do mundo e do tempo. Neste obradoiro formulanse cuestións como para que crear un libro, e como podemos chegar a comunicarnos cos demais a través de texto e imaxes. Desde a idea ata a montaxe, as nenas e os nenos crearán a súa propia revista autoeditada, da que sairán copias para repartir pola biblioteca.
Para nenos e nenas a partir de 7 anos.
Este contacontos mestura sombras chinescas, narración oral e kamishibai. Coñeceremos a osa Maruxiña, que escribe poemas na súa lingua materna. Desde moi pequena escoita a lenda da biblioteca máís antiga do mundo, e cando medra busca o valor para facer unha viaxe e atopala. Alí encontrará os textos de María Mariño, Fany Garrido, Rosalia de Castro e doutras mulleres importantes para Galicia.
A partir dunha imaxe, as nenas e os nenos escribirán unha pequena historia, un conto ou un poema.
A partir de 7 anos.
Esta actividade forma parte da programación de dinamización lectora Ler conta moito, da Rede de Bibliotecas de Galicia.
Galicia é unha pedra no Atlántico e un espazo mariño que abrangue todos os océanos. Quizais un mariñeiro do Berbés non saiba de Olelas, na raia de Portugal, mais todos saben de Capetón, na fin de África; e de Antuerpe, Amberes, no galego do mar. Cómpre mollarse nas palabras e cómpre principiar polo Gran Sol. Caladoiros tan próximos –A Ferradura, Mar do Candil– que tamén teñen nome na nosa lingua.
Actividade do programa de dinamización lectora Ler conta moito, da Rede Galega de Bibliotecas.
As bibliotecas poden escoller un contacontos ilustrado adicado a algunha das seguintes mulleres galegas: Ángeles Alvariño (oceanógrafa), Antonia Ferrín (astrónoma), Rebeca Atencia (veterinaria), Maruja Mallo (pintora).
Para nenos e nenas a partir de 3 anos.
Esta actividade forma parte do programa Ler conta moito, da Rede Galega de Bibliotecas.
Ilusión risas e libros nun espectáculo que promete diversión para toda a familia. Coa participación dos pequenos e pequenas que queiran ser axudantes da maga Leo Leiño para pasalo moi moi ben.
Para nenos e nenas de a partir de 6 anos.
Actividade do programa Ler conta moito, da Rede de Bibliotecas de Galicia.
Contacontos realizado por Solidariedade Internacional de Galicia no que as nenas e nenos, da man de Irene e cos cinco sentidos (oído, olfacto, vista, gusto e tacto), achegaranse á cultura doutros países. Países que teñen paisaxes, fauna e flora diferentes aos nosos. Países no que hai mulleres e homes que falan linguas distintas e viven de forma diferente á nosa, e están dexesando mostrarnos cantos lugares do mundo temos por descubrir.
Esta actividade forma parte da campaña de dinamización lectora Ler conta moito, da Rede Galega de Bibliotecas.
