Unha peza teatral enfocada a transmitirlle ao público de 3 a 12 anos a paixón polos libros. Catalina Lino Lina, farta de agardar a que alguén abra as páxinas do libro no que habita para poder cobrar vida, decide escapar para vivir as súas propias aventuras.
Actividade de Ler conta moito, da Rede de Bibliotecas de Galicia.
Obradoiro creativo de elaboración dunha curtametraxe entre as persoas participantes, cos obxectivos da lectura de textos, a promoción da consulta nos fondos das bibliotecas e a investigación e o fomento do interese ao redor de autores e datas sinaladas no Calendario do libro e da lectura.
O obradoiro dura 360 minutos, repartidos en dúas sesións.
Nenos e nenas: 10 e 17 anos
Actividade de Ler conta moito, da Rede de Bibliotecas de Galicia.
Un espectáculo máxico e literario, cargado de ilusións sustentadas na narrativa, ensaio e as sorpresas da vida e a obra de Carlos Casares. Desde o Vento ferido ata O sol do verán, pasando por As laranxas máis laranxas de tódalas laranxas, xérase unha trama tecida na arte do encantamento das palabras de Carlos Casares.
Espectáculo de maxia para o programa de Ler conta moito, da Rede de Bibliotecas de Galicia.
A partir de 6 anos.
O obradoiro permite coñecer o surrealismo de Miró e ser pintores e ilustradores de contos. Un traballo de imaxinación e creación plástica que ten como resultado unha gran ilustración que presenta os personaxes da historia coa que traballan todo o equipo de nenos e nenas ilustradores.
Unha actividade de Ler conta moito ideal para promover o interese pola lectura, a arte, o papel dos ilustradores e o traballo en equipo.
Obradoiro de lectura expresiva e emocional con soporte audiovisual a través da novela Unha torta de mazá chea de esperanza, de Sarah Moore Fitzerald, que será publicada por Primerapersona Editorial en 2017.
Neste obradoiro traballarase o fomento da comprensión lectora e o adestramento do vínculo entre a expresión oral e a escrita.
Actividade de Ler conta moito.
Dunha maneira divertida, os nenos e nenas achegaranse á cultura e á escritura chinesa. Terán nas súas mans os catro tesouros do escribán: un pincel, que tras tocar a súa punta na tinta chinesa elaborada no tinteiro, dará forma no papel a uns misteriosos caracteres que transmitiran a filosofía de todo un pobo, a súa sensibilidade e a súa beleza.
Actividade de Ler conta moito, da Rede de Bibliotecas de Galicia.
Espectáculo de narración oral a cargo de Expresión Contacontos (Manuel Solla), para nenas e nenos de tres anos en adiante.
Sinopse: Os contos transladannos a un estado especial de imaxinación, de ilusión e de escoita.
Espectáculo dentro da programación de Ler conta moito, da Rede de Bibliotecas de Galicia.
Black ofrece, en directo --e dentro do programa Ler conta moito-- unha visión sensible e chea de detalles e anécdotas das últimas décadas da música negra, da forma na que as cancions nacen, se escriben e se interpretan, dunha forma profundamente íntima, agasallándonos cunha viaxe polas melodías do soul. Unha experiencia para a alma.
Xoan Curiel presenta un espectáculo, no que as cantigas de Martín Códax, e outras poesías de autores galegos clásicos e contemporáneos, son musicadas e cantadas polo artista, facendo un percorrido dende estas cantigas ata chegar ao cantautor ou trobador contemporáneo.
Este concerto forma parte da programación de Ler conta moito, da Rede Galega de Bibliotecas de Galicia.
Esta é unha viaxe ao universo de Carlos Casares para o programa de Ler conta moito 2017, da Rede de Bibliotecas de Galicia.
Sinopse: Podemos ir en bicicleta con Lolo, e seguro que Toribio, un dos personaxes máis entrañables da obra de Carlos, se suma á nosa aventura. Pode ser ademais que polo camiño atopemos a laranxa máis laranxa de todas as laranxas. Este espectáculo é unha celebración da vida e da literatura!
