Todo comeza ao descubrir os textos e o activismo político dunha muller chamada Helen Keller, nacida en Tuscumbia (Alabama), que se converte nunha celebridade mundial ao ser a primeira persoa xordocega en obter un título universitario en 1904 en Harvard. A súa vida foi fixada na memoria colectiva como un exemplo de superación e a maioría dos seus escritos acabaron rescatados como simples aforismos motivacionais.
Gran espectáculo de maxia infantil-familar cos mellores magos e magas de España.
O Mago Paco reune os mellores magos infantís de España para facer un dos mellores espectáculos de maxia adicado o público infantil-familiar que poidas chegar a ver.
Un gran evento máxico que encherá a vila de ilusión, risas, abraios e moita moitas sorpresas.
Sumérxete no mundo da fantasia e deixa ceive a túa imaxinación. Volve a converterte nun neno ou nena e verás que todo é posible da man destes artistas do ilusionismo.
Non verás nada igual!!!
"Gracias por venir" é unha comedia que rende homenaxe á mellor cómica do século XX, nosa querida Lina Morgan.
Na axencia artística O Barco, dirixida por nosa Vedette Marian, que traerá da súa man a sensualidade, a picardía e un espléndido vestiario de plumas e abelorios. Ramy, a protagonista, faranos un despregamento de toda a súa faceta humorística nunha comedia de enredo onde verá perigar a súa relación de toda a vida.
É Difícil Fotografar o Baleiro é un espectáculo de danza urbana con creación contemporánea para 6 intérpretes. É a primeira produción para Teatros e Auditorios do Colectivo D'Elas, un grupo de artistas novas galegas con formación en danzas urbanas baixo a dirección de Julia Laport. Este espectáculo xira entorno a idea do baleiro.
Enfrentámonos ao baleiro dende a concepción de que é este o que permite a mobilidade. O baleiro como espazo necesario para o movemento. Un corpo cheo é un corpo pesado, un corpo inmóbil. O baleiro permite a lixereza do movemento.
O gran ourizo vive plácidamente, á sombra dun gran carballo, e coida dos seus, mentres goza do seu pedacito de mundo. Pero un día, esta paz verase perturbada, pola chegada dun esquío amable, travesa e juguetona. A súa convivencia non será fácil. Descubriremos un ourizo arisco e protector, e un esquío con ganas de saber e compartir.
Cantando con Pinocho, é un proxecto no que A Fada de Cabelos Turquesa e Pepino, contarán o conto que enlazarán cantando en directo con acordeón e piano as cancións inéditas compostas para a obra teatral de Pinocho.
As cancións tratan os temas da liberdade, a amizade, os alimentos ou a importancia de perseguir un soño, entre outros. Abriremos unha porta a unha emocionante aventura que nos amosará un camiño cheo de sensibilidade.
Coa misión de difundir a defensa do medio ambiente, CONFI é un espectáculo de teatro documento que narra os feitos reais da loita pola supervivencia de Manoliño.
Baséase na historia do golfiño que frecuenta as praias da ría de Muros e Noia. As persoas que vexan este espectáculo poderán implicarse emocionalmente e comprender a dura realidade á que se enfrontan Manoliño e as súas congéneres mariños para sobrevivir.
Vía Morta pretende ser, máis que un espectáculo teatral, unha experiencia a través do teatro. Unha montaxe teatral que pretende traer a realidade dos refuxiados e refuxiadas ao público de Galicia a través dunha proposta que converte ao espectador nun refuxiado máis.
A obra denuncia a traxedia que as políticas migratorias da UE están a provocar. O teatro non pode permanecer impasible ante a deliberada política de esquecemento á que as persoas refuxiadas son hoxe sometidas.
TRISCUS BELISCUS é un espectáculo e obradoiro de narración oral e música para familias con crianzas de 1 a 3 anos, da man da narradora e educadora Vero Rilo (Daboapipa, Apatacón, Pallasos en Rebeldía...) e a educadora e música Sonsoles Penadique (Oradaladou, Azul de Bueu, Café Dorothé...)
Queremos xogar, contar, cantar e bailar con Xan, con Pedro, co can, co gato e co rato ata caer de cu... polo buraco!
Basilio Martí, compositor, pianista e produtor presenta o seu último traballo xunto aos irmáns Santana. Jazz, electrónica e música clásica entrelázanse neste concerto para render homenaxe á película de FiedrichMurnau, Nosferatu (1922), icona da corrente cinematográfica do expresionismo alemán.
Acompañado por Javier Santana ao contrabaixo e Jorge Santana á batería, os tres recrean nesta suite contemporánea música clásica, jazz, funk, psicodelia… nun formato para trio con piano e sintetizadores, música inspirada nunha obra de arte do expresionismo.
