Comeza Fugas e interferencias. I Congreso de Arte de Acción (tinyurl.com/zlm4cga) organizado pola Universidade de Vigo.
O CGAC colabora, xunto á Fundación Eugenio Granell e AIRE Centro de Arte, nun encontro que se achegará a arte da acción tanto desde a práctica como desde a reflexión teórica. Toda a información nesta ligazón: http://fugaseinterferencias.wordpress.com/programa/
As Xornadas sobre Dramaturxia Galega Dramaturxente reúnen destacados profesionais dos distintos ámbitos implicados na escrita teatral e a creación escénica.
O Centro Dramático Galego (CDG) e a nova Asociación Galega de Dramaturxia DramaturGA organizan este encontro co obxectivo de analizar desde un punto de vista integrador a situación do sector en Galicia, ao tempo que se busca darlle unha maior visibilidade social.
O Colexio de Avogados de Santiago de Compostela, en colaboración coa Secretaría Xeral de Política Lingüística, organiza a X edición desta xornada dirixida a profesionais da avogacía, da procuradoría, da xudicatura, da fiscalía, do secretariado xudicial, do funcionariado e dos servizos lingüísticos, así coma ao alumnado das escolas de práctica xurídica e do grao en Dereito e persoas interesadas en xeral.
Conferencia multimedia con representación do viño cervantino do Ribeiro, no marco das Xornadas de Outono: Cultura do Viño e Literatura.
Intervirá: Xavier Castro, historiador especialista na historia do viño. Nesta conferencias farase a presentación do viño especial do Ribeiro etiquetado en homenaxe a Cervantes. Sortearanse dúas botellas do viño Ribeiro Cervantino entre os asistentes.
Xornada organizada pola Asociación Galega do Libro Infantil e Xuvenil (Galix) que contará cun concerto de Uxía e Sergio Tannus.
Contidos da sesión:
25/11/16
Sesión de mañá
10:30 Recepción e inauguración por parte do presidente de GÁLIX, Xosé A. Perozo.
11:00 - 12:00 Sesión de Contacontos con Alicia López (escritora e creadora dos Obradoiros de escrita en Santiago de Compostela)
Asistencia do alumnado do CEIP Monte dos Postes (Santiago de Compostela).
12:00 - 12:30 Pausa café
A Asociación de Actores e Actrices de Galicia (AAAG) e o Festival Cineuropa organizan un ciclo homenaxe a María Casares co motivo do vixésimo aniversario do seu falecemento. Velaí o programa:
VINTE ANOS SEN MARÍA CASARES
MARTES, 22 DE NOVEMBRO.
Salón Teatro.
16:00 Entrevista María Casares do programa A FONDO, de TVE. Coa colaboración de RTVE
17:15 Proxección película O testamento de Orfeo, de Jean Concteau.
19.00 COLOQUIO 'VINTE ANOS SEN MARÍA CASARES'
A xornada anual de formación para o profesorado que integra dos equipos de dinamización da lingua galega (EDLG) que organiza anualmente Escolas Católilcas de Galicia co apoio da Secretaría Xeral de Política Lingüística chega á súa XII edición cun programa que inclúe unha homenaxe a Helena Villar Janeiro e a Xesús Rábade Paredes; conferencias de Elisardo López Varela e de Antón Riveiro Coelho arredor da "Contribución dos EDLG ao proceso de normalización lingüística" e das "Posibilidades de Casares" no ámbito do ensino e dinamización do galego, respectivamente; un obradoiro de "Toponimia como
Monumenta, andar con arte é un programa de actividades culturais que se desenvolve ao redor da acción de camiñar e da experiencia da andaina como o mellor e o máis antigo dos xeitos de explorar e de vivir o territorio. Con este novo horizonte, Monumenta avanza un paso máis á hora de mostrar, difundir e contar o noso patrimonio material —igrexas, castros e outros monumentos e lugares históricos— desde as achegas do patrimonio inmaterial, que é a raíz do seu significado.
O Museo do Pobo Galego, o Grupo de Investigación Lingüística e Literaria Galega (ILLA) e a Revista Galega de Historia Murguía, coa colaboración da Consellería de Cultura e Educación a través das secretarías xerais de Política Lingüística e de Cultura, organizan este simposio conmemorativo do centenario da creación das Irmandades da fala (1916-1931), primeiras organizacións do nacionalismo galego.
A Real Academia Galega xunta ao longo de tres tardes máis dunha vintena de persoas expertas en distintos aspectos da obra do protagonista do Día das Letras Galegas de 2016.
O Simposio Manuel María continúa a celebración do ano dedicado ao poeta chairego cun programa, aberto a todo o público, no que os relatorios e mesas de debate comparten cartel co recitado dos seus versos, e que concluirá coa proxección do documental sobre o homenaxeado Eu son fala e terra desta miña terra, da académica Margarita Ledo Andión.
