Cultura no Camiño

Narrador: Cándido Pazó

 “Como cho conto...” é un espectáculo de narración oral, unha sesión de contos na que se van enfiando historias, anécdotas, lerias... de creación propria, as veces baseadas na tradición oral, ou ben na literatura axeitada á oralidade.

Nunha mistura entre o narrador e o xogral da palabra, entre o charlatán de feira e o cómico, as historias de cada sesión escóllense e réxense sobre a marcha, dependendo do ambiente, o público concreto, a gana e inspiración do “conteiro”, as circunstancias do día...

Este espectáculo está cheo de aventuras, ilusión, sorisos e maxia.

O grupo está formado por Paco Cerdeira (guitarra), Anxelo de Xermar (baixo), Paula Romero (voz) e Rodrigo Múñoz (batería).

Algúns deles levan case 10 anos de experiencia no ámbito da música infantil, en proxectos como "Mamá Cabra", con gran aceptación e éxito entre o público.

Unha proposta de calidade que garante diversión para gozar en familia.

No seu repertorio hai temas con diferentes ritmos musicais que van dende o rock, disco, punk ou reggae.

Música infantil para compartir en familia. "As Parábolas de Pakolas" chega da man de Paco Cerdeira como espectáculo de pequeno formato no  Pakolas, interpreta en directo unha escolla dos seus temas propios para público infantil, con música xirando en torno ao rock e outros estilos que entusiasman aos cativos e cativas, e con letras sempre axeitadas para os mais pequenos.

Aprende a bailar con calquera dos repertorios do grupo Pesdelán: "Na punta do pé" ou "Entroidanzas". Montse Rivera guía os pequenas e pequenos para estes primeiros pasos.
Trátase dun espectáculo para tódolos públicos ata un máximo de 100 persoas, dentro da programación Cultura no Camiño.

Confirmar datas e horas nos concellos onde se leva  a cabo.
 

A Banda das Apertas, composta por Magín Blanco, María Faltri, Jorge Juncal e Jerry Noia teñen un longo percorrido acompañando a A nena e o grilo nas súas propostas escénicas, e chegou o momento de voar sos.

Nesta nova produción as músicas do creador Magín Blanco conviven con outras coñecidas cancións que o público familiar recoñece e valora da historia da música contemporáneas, e que permitirán gozar en familia dun concerto, no que o público é parte do elenco: coreando, acompañando e sobre todo disfrutando con esta Banda das Apertas.

Elenco: Manuel Pombal, Suso Pando e Marcos Alonso

Top Manta -a lista dos moi listos, o hit-parade dos máis vendidos-, cóntanos en clave de comedia, unha serie de historias de actualidade, cercanas e sorprendentes;

Top Manta, un espectáculo para rir, rir e rir, por non chorar, chorar, chorar...de risa, claro!!

Noemi Miranda e Pablo Balseiro en "Contos Tirititraum" un espectáculo que mistura o arte de contar historias coa música, en clave de diversos ritmos nos que atopamos principalmente a rumba. Este contacontos "Rumbero" está pensado para o disfrute de toda a familia que viaxará da man de estos dous artistas por un mundo de historias xa contadas e outras de creación propia, o igual que as cancións que as acompañan.
 

Las Expertas é un espectáculo de mulleres de circo con catro mozas que se enfrontan a unha proba eliminatoria para accederen a un posto de traballo. Pero a oferta non é o que parece e terán que demostrar coa súa forza, sensibilidade, concentración, humor e descaro a maneira de se enfrontaren aos retos da vida.

Actividade do programa de Cultura no Camiño. Confirmar datas e horas nos concellos onde se representa.

A Orixe é un espectáculo didáctico de danza Hip-Hop no que a través de explicacións bailadas, unha interpretación dinámica e divertida e unha participación activa do público, compartiremos con vos un percorrido cronolóxico desta cultura, centrándonos nos estilos de danza hiphop máis importantes. 

O espectáculo, dentro da programación Cultura no Camiño,  vai acompañado dun obradoiro de danza hip hop  de dúas horas de duración e impartido pola propia compañía.

Bailarinas: Alba Fernández e Estefanía Gómez