Rede galega de música ao vivo

Los Jinetes del Trópico, loitamos sen farois! Despois de varios anos de constante evolución os xinetes estabilizanse cunha formación lista para combatir nos mellores escenarios.

Cumbia, ritmos tropicales, reggaeton a galega e moito mais! Todas as cancións reflicten o compromiso, creatividade, amor, festa e soños de estos novos xinetes. Lonxe de acomodarse despois de sacar o disco e varios singles, a máquina non para e os xinetes teñen moitos temas na recamara que irán saíndo mes a mes durante o verán.

dA Trío de Narci Rodríguez encaixan o seu son dentro do Groove, do funk, hip hop, soul e música electrónica.

Despois dos anteriores EP´s publicados (REFLEXIÓNS, 2019 e INMERSIÓN NO BALEIRO CUÁNTICO, 2021), rompen o panorama musical con APOLLO III, AD INFINITUM.

Caamaño&Ameixeiras é un dúo ligado á música e ao baile de raíz. Formado por Sabela Caamaño (acordeón cromático) e Antía Ameixeiras (violín e voz) en 2018, este dúo acumula, na súa curta pero intensa traxectoria, un gran número de concertos, tanto dentro da xeografía galega, o seu lugar de orixe, como fóra dela e no ámbito internacional.

A Ukestra do Medio está formada por dúas mulleres e dous homes tocando ukuleles, baixo acústico e cajon e cantando todos como solistas ou coristas. En ocasións utilizan instrumentos adicionais como a mandolina, harmónica, kazoo, shakers,... Os seus concertos son dinámicos e divertidos, alternando músicas própias con versions de diferentes estilos, sempre levándoos ao seu terreo.

Sumrrá son Manuel Gutiérrez ó piano, Xacobe Martínez Antelo ó contrabaixo e LAR Legido á batería. Nos algo máis de 20 anos que levan xuntos, deixan atrás concertos por 5 continentes, posicionándose coma un dos tríos de jazz estatal máis importante.

Su Garrido Pombo é unha cantante, guitarrista e compositora galega. O seu estilo músical abrangue diversos xéneros con matices de bossa, folk, jazz ou latin. A súa música é intimista e nos seus directos acompáñana a súa guitarra e os seus pedais de efectos. Recentemente obtivo o primeiro premio no Concurso Fran Narf (2018) e o Premio Martín Códax na categoría de Música de autora (2019).

Sr. Salvaje é unha banda de Santiago de Compostela formada por Guillermo Vistoso (voz e guitarra), Emilio Iniesta (batería) e Antón Torroncho (baixo). O seu repertorio, totalmente propio, concentra toda a enerxía do Rock and Roll con temas directos e intensos, igual que o seu Show. A banda bebe de grupos como M Clan, Los Zigarros, Revolver, Soda Stéreo (Rock Arxentino) e o Rock Americano dos 70's.

En marzo de 2023 comezarán a xira para presentar o novo LP pasando polas distintas comunidades autónomas.

Comenza a funcionar no 2015, presenta un repertorio integrado por composicións propias.

Na súa idea estética prevalecen os compases irregulares sobre temas de composición ou versións , buscando distintos puntos de vista dentro da sonoridad do trio standar ( piano, contrabaixo e batería ), observando músicas e referentes tanto dentro do jazz coma de world music.

Formación:

Yago Mouriño: piano

Pablo Sanmamed: contrabaixo 

Bruno Couceiro: batería

Tras anos desenvolvendo a súa faceta como compositor en Sinestesia, Tomás Porteiro decide comezar unha nova andaina en Solitario. Para esta aventura conta coa colaboración estable de José Zás aos ventos. Sen renunciar á inmediatez do pop ou do Rock, este novo proxecto explora sonoridades máis jazzisticas. O folk de raiz americana tamén sirve de base para estas cancións de textos cripticos e intimistas.

É no 2010 cando se cruzan os camiños destas catro mulleres de ampla traxectoria no mundo da música tradicional, para crearen o proxecto: Habelas Hainas.
 Coas mesmas inquedanzas musicais e vitais, forman un quebracabezas onde os catro elementos se xuntan e complementan de xeito persoal.
A súa versatilidade vai alén do feito de seren multinstrumentistas, e lévaas a explorar outros eidos artísticos poético-teatrais, facendo de cada espectáculo