Rede galega de teatros e auditorios

Un novo concepto de formación en Galicia, estrictamente acústico e baseado na música tradicional.

Neste proxecto únense tres músicos indispensables dentro da escea musical galega, o violino de Quim Farinha , o acordeón diatónico de Pedro Pascual e o contrabaixo de Kin García . Xuntos propoñen unha viaxe a través das músicas populares de Galicia e de outras latitudes.

O repertorio complétase con composicións propias. Todo isto aliñado con distintos enfoques estéticos que van desde a linguaxe do jazz pasando polo tango ata a tradición musical europea.

Deshábitat é o encontro de catro sobreviventes. Como facer habitable o inhóspito, como atopar harmonía no hostil. Catro personaxes en busca dun espazo vital.

Espectáculo xestual, cunha sorprendente escenografía viva e protagonista. Coreografías circenses falan a través da acrobacia e a danza, incorporando chiscadelas flamencas.

En definitiva, unha historia contada desde o movemento.

Este espectáculo de Vaivén Circo y Danza  forma parte da programación da Rede galega de teatros e auditorios. Confirmar datas e horas nos espazos onde se representa.

Miranda Celia do Río é unha artista de éxito no seu país, Panamérica, pero a presión da fama fai que fuxa na procura dunha vida mellor. A súa escapada finaliza na Provincia, unha vila na que se terá que enfrontar ao seu labiríntico e absurdo aparello burocrático, sanitario e financeiro. Unha caricatura na que xa non sabemos se este mundo é como é ou como nós o percibimos. 

Comedia musical que forma parte da programación da Rede galega de teatros e auditorios. Confirmar datas e horas nos espazos onde se representa.

Uxía e Narf funden os seus repertorios nun espectáculo conxunto, man a man, e propoñen un concerto de formato intimista, non que nos convidan a coñocer as "Baladas da Galiza Imaxinaria".É precisamente esta Galiza Imaxinaria un lugar perfecto para achegarnos , a través da música, as historias que emanan das experiencias vividas, un espazo emocional sen fronteiras, con raíces profundas e cos brazos abertos ao mundo de hoxe.

Impresións e paisaxes, como o primeiro libro de Lorca é a nova proposta artística do guitarrista e investigador Samuel Diz, en torno a guitarra na Xeración do 27.

Colgadas no tendal, as letras senten o sol a facerlles cóxegas e bailan unhas coas outras. A roupa tamén quere xogar coma elas: as pinzas axudan a un pano a medrar ata se converter nunha montaña, unha toalla foxe correndo entre as cordas... ou é un can de palleiro?

Este espectáculo de Raquel Quiezas xoga a tensar os límites entre teatro, monicreques e pantomima, e con eles as fronteiras da imaxinación máis alá do escenario, case nada é o que parece.

A banda máis antiga de Galicia e o grupo pioneiro do rock en galego, xúntanse para revisar o repertorio histórico de Os Resentidos, integrando novas creacións e versións, en homenaxe á tradición galega da música de verbena e festas populares.

Un espectáculo que mestura  o clown e a pantomima coa maxia e os monicreques compaxinando o ocio e o divertimento coa educación no consumo responsable e nos hábitos de vida saudables e respectuosos co medio ambiente e a ecoloxía.

Continuando coas súas andainas, nesta segunda entrega o amigo Xan Perillán vai a mercar ao híper mega súper mercado “o Rato Colorado”.

Mais o trasno do consumo irresponsable perségueo da aquí para acolá… ¿Mercará ben ou deixarase engaiolar polo consumismo, a publicidade enganosa e a comida lixo?

SonDeSeu é unha das primeiras orquestras europeas de música folk contemporánea. O seu repertorio consta de temas procedentes da tradición oral da música popular de Galicia, arranxados especialmente para a formación polos seus componentes e responsables das distintas seccións, que abranguen gaitas, percusión, zanfonas, violíns, requintas e frautas de madeira, canto, arpas e corda pulsada.

Coa experiencia dos didácticos destes últimos anos. Odaiko tráenos “Vaia banda...”, didáctico musical,  que se presenta como unha viaxe de catro intrépidos precusionistas. 

Nela van descubrir, e compartir con nós, novos instrumentos e ritmos.       

Conseguindo que os nenos non deixen de interesarse en ningún momento do que está a pasar no escenario, mentres van descu-brindo novos sons,  guiados por estes viaxeiros.

Este espectáculo realizace acompañado de banda de música de ser posible, o que lle da máis forza e vida ao espectáculo