Quinteto do que forman parte Sabela King, Ramón Figueira “Figui”e Benjamín Vázquez. Estilísticamente móvense entre o blues, o country e o soul dos 50's 60's, adaptando versións dos clásicos destes xéneros e temas actuais.
Espectacular showman e monologuista que utiliza na súa posta en escea un toque salvaxe, enérxico e incluso algo macarra ao servizo da risa do público.
Hábil improvisador e cun repertorio no que toca todos os temas existentes, Pepo Suevos non deixa indiferente a ninguén nos seus espectáculos.
Os números en directo ou “corpo a corpo” son a súa especialidade, un formato co que xa leva dado case mil actuacións, polo que pode presumir de ser un dos artistas galegos máis curtidos e experimentados.
Elenco: Marta Alonso, Raquel Oitavén, Paula Quintas e Marçé Solé
ALMA (non é hippie), é o primeiro espectáculo de danza vertical de Galicia, unha produción do Colectivo Verticalia, ou o que é o mesmo, das compañias Duelirium e Traspediante, co apoio de Pistacatro.
ALMA (non é hippie) investiga nas diferentes percepcións sobre unha mesma realidade, os diferentes puntos de vista e, polo tanto, sobre o aparente e as apariencias desde a linguaxe da danza contemporánea, a verticalidade e o movemento.
Creación e interpretación: Silvia Penas. María Roja. Marta Pérez.
Sofía e as Postsocráticas é unha obra que versa sobre a violencia machista, afondando nas causas da estructura do maltrato.
Un home entra nun tanatorio xusto no momento no que se lles vai a luz. A escuridade, o forzado silencio e a incómoda humidade que se respira no recibidor, evócalle un soliloquio co que percorre trazos de distintas vidas ata chegar á súa propia.
Varias historias con personaxes díscolos que provocan situacións disparatadas, teñen como resultado este espectáculo compacto, rotundo, emotivo, sorprendente e terriblemente divertido.
Manipuladores: Isabel Coldeira e Ero Vázquez
Tolitates, movido por unha atracción se cadra máis tola ca el, sáltase todas as sinais de perigo e escapa da cordura atopando outras personaxes e situacións absurdas que loitan polo protagonismo sobre as táboas dun teatro.
Un gran elenco informal e atolondrado formado por obxectos, monicreques de fíos, bunraku e guiñol que nos leva a gargallada continua sen mediar palabra.
Elenco:
María Ordóñez
Toño Casais
É a décima vez que soa o teléfono na metade da noite. Despois de atravesar a cidade horriblemente iluminada, no medio da chuvia, deambular entre bloques de vivendas, atopar o edificio, a escaleira, o piso e a porta...el e ela confróntanse de novo para trazar o itinerario da súa primeira vez.
Ummm! Unha comedia musical para chupar os dedos. A pastelaría de dona Remedios ten cada vez menos clientes porque a súa dependenta, Ana, só sabe facer boliños de crema. Para facer fronte a este problema, Dona Remedios, decide contratar un novo axudante capaz de aportar novas ideas e facer os doces que a xente está a demandar nestes días. O problema é que , as veces, esas novas ideas da cociña monderna poden entrar en conflicto co bo facer máis clásico de Ana.
Laura é unha nena moi inquieta que todo o tempo anda á procura de aventuras que vivir. No xardín da súa casa xoga ao seu xogo favorito: soñar cos ollos abertos. Desta maneira pode explorar mundos afastados inimaxinables construídos desde a súa atolada imaxinación. Un día sente curiosidade polas gafas do seu avó; como se verá a través delas? O que comeza sendo unha pequena trasnada acaba por convertirse na maior de todas as aventuras.
Intérpretes: Cristina Vilariño, Rebeca Carrera, Nuria Sotelo.
A gala parte dunha idea de proceso, unha investigación en relación a figura e obra de Maruja Mallo como eixo do proceso creativo, sendo éste ao mesmo tempo o artellador da peza.
A gala é unha peza que xira ao redor do traballo de creación de tres bailarinas; encargadas de coreografiar o fío conductor da Gala de entrega dos Premios Maruja Mallo (os máis relevantes galardóns da cultura do país que as acolle).
