Os magos! Eses seres tan fantásticos que tanto gustan aos nenos e nenas. Como poderán facer eses incribles prodixios? O Mago Romarís móstranos o segredo máis celosamente gardado. Cando un mago ten un soño sobre algo que lle atrae de forma especial, só ten que repetir tres veces unha derminada palabra máxica. E esa palabra máxica é...? Verémolo o día da actuación.
Músicos:
Paco Cerdeira (guitarra)
Ánxelo de Xermar (baixo)
Paula Romero (voz)
Rodrigo Muñoz batería)
A Gramola Gominola é un grupo de música rock para público familiar que presenta o seu novo libro/CD editado por Galaxia.
Neste proxecto o grupo aposta polo rock en galego, grandes temas que poderedes escoitar cos vosos fillos. Unha proposta de calidade que garante diversión a través da música.
No seu repertorio hai temas de diferentes ritmos musicais que van dende o rock, disco, reggae ou punk.
Elenco artístico: Gema Ulloa e Fran Martí
"A Yago gústalle o mar e gústalle a aventura. Milleiros de veces xogaba co seu avó a ser mariñeiro: dar unha volta ao temón, tocar a campá, subir na ponte de mando do capitán e dar ordes. O avó sempre lle dicía: Oe, Yago, lembra, os mares non nos separan, únennos, somos moi diferentes e parecidos á vez!!!!
Tres trogloditas convídannos a entrar no primeiro teatro da prehistoria.
A cova, onde imos asistir a un cómico espectáculo cheo de humor e tolería. Da man dos Monicreques e das súas primitivas habilidades imos coñecer a singular forma de vida dos nosos antepasados máis divertidos.
Unha sorprendente ambientación, a orixinal linguaxe e unha prehistórica escenografía farán que o espectador perda durante a representación o sentido do tempo e do aburrimento.
Gústavos o diñeiro? ... Moito?
Os granxeiros desta historia non perdían o tempo pensando no diñeiro e
sempre repartían o pouco que tiñan con quen máis o necesitaba, pero un
día unha galiña chegou á súa granxa e puxo un ovo de ouro.
Imaxínasvos se vos pasase a vós? ...
La gallina de los huevos de oro, fala da pobreza, a riqueza e a avaricia. Unha historia que conta que o diñeiro é un conto.
Talía Teatro presenta unha revisión do clásico O servidor de dous amos, un dos textos inmortais da historia do teatro. Convertido no referente por excelencia da Commedia dell’Arte, atópase aquí unha reinvención da obra de Goldoni que respecta o ritmo, a comedia e o humor da peza orixinal, pero que busca tamén incorporar novas formas de teatralidade.
Conexion é unha distopia,que aborda a dependencia de estar conectados sobre a que se construen neste tempo as nosas vidas,e pon de manifesto a necesidade-especialmente da infancia-de conectar co real:co entorno,co humano e cos sentidos que van máis alá das experiencias visuais e auditivas.
De que trata Pintamúsica! ?
De achegar, aos máis pequenos, as artes escénicas e musicais a partir dunha experiencia vivencial onde a música e a visualidad das imaxes teñen un papel protagonista para captar a atención do espectador realizando un percorrido sensorial da man de tres pintamúsicos
Tres músicos, actores e cantantes son os encargados de guiar Pintamúsica!. Despois de presentarse e convidar os nenos e as súas familias para entrar na sala, iniciamos esta viaxe polas estacións do ano onde, para cada época temos unha cor, unha canción e uns instrumentos.
Spasmo presenta El Mundo Lirondo, unha viaxe que vos levará aos recunchos máis afastados do mundo e traeravos de volta a casa.
Os pequenos espectadores adquirirán dun xeito divertido e emocionante nocións básicas de xeografía, xentes e diferencias culturais, plantas e animais, e fundamentalmente, a importancia de respetar e coidar o medio ambiente.
Fai as maletas, colle o teu pasaporte e a túa cámara de fotos e prepárate para a maior e máis divertida aventura da túa vida.
Románticas e románticos da melodía galega
O programa mostra un percorrido por algunha das pezas máis significativas do romanticismo galego para voz e piano, conferíndolle un especial protagonismo a catro personalidades destacadas da época: Marcial del Adalid e Juan Montes e Rosalía de Castro.
