Raíz/folk

O músico e cantautor Emilio Rúa e as cantareiras e pandereteiras Xestreu únense nun proxecto común e compartido. Trátase da unión de dous tipos de música: a canción de autor ou moderna coa canción popular ou tradicional.

Este proxecto está formado por unha escolma de cancións populares da música galega e outras partes do mundo e mediante unha nova revisión das mesmas, son unha aportación para a súa divulgación ante o público, pero sobre todo para acercar ás novas xeracións á nosa música.

Roi Casal é un músico, compositor e cantante galego e gran virtuoso na arpa céltica, a zanfona e o bouzouki. Formado co mestre Rodrigo Romaní e no Conservatorio Superior de Música de Madrid, formou parte de Milladoiro, a formación máis internacional da música galega.

Na actualidade, Roi Casal está considerado unha das principais referencias musicais da música galega. O seu estilo é moderno e contemporáneo, combinado cos aportes da terra da que é orixinario. Trátase dun dos grandes expoñentes da música do estado español.

Riobó é o nome do grupo de Begoña, e tamén o título do seu primeiro traballo discográfico, que se caracteriza polo virtuosismo dos seus músicos á hora de arranxar e interpretar melodías da tradición galega, sendo fieis ás súas formas e orixe.

Cada concerto convírtese nunha mostra de sensacións, onde conviven as raíces culturais máis puras con formulas interpretativas actuais.

No 2015 Riobó presenta o seu segundo traballo "Quiral".

Radio Cos, uns pandereteiros de sona que fixeron evolucionar a nosa música naturalmente.
Xurxo Fernández e Quique Peón, cantantes e percusionistas do grupo, son dous referentes no eido da investigación etnográfica en Galiza. Agora preséntannos o seu primeiro disco, música de raíz que mestura a sonoridade máis arcaica con elementos sacados da propia tradición e melodías alleas que gardan relación co país.

Desorballando Outonos é a homenaxe que o grupo A Quenlla e a Asociación Cultural Xermolos de Guitiriz quixeron render ao poeta chairego Xosé María Díaz Castro no ano 2014, no que se lle adicaron as Letras Galegas. Unha confluencia de música e palabra na que poderemos gozar da enorme verba do poeta, pegada á xente, á natureza, á expresión viva, existencial e humana.

O concerto é gratuíto, para todos os públicos, podendo reservar a entrada pola internet no enderezolisistrata.asociacion@gmail.com

Espectáculo baseado nun percorrido pola musica popular galega mesturada cos ritmos tradicionais das culturas que durante moitos anos e no mesmo presente conviven na emigración galega e interpretados cun chisco de humor.

Algo moi característico do grupo é que os seus compoñentes bailan ao mesmo tempo que interpretan o seu repertorio.

Esta actuación forma parte do programa Cultura no Camiño que leva teatro, música, danza e novo circo polos concellos onde discorren as rutas xacobeas.

O público poderá desfrutar de temas xa coñecidos no panorama musical galego, asi coma doutros moitos non tan coñecidos pero que levan coa formación xa moitas décadas.

Esta actuación forma parte do programa de Cultura no Camiño que leva música, teatro, danza, maxia e novo circo polos concellos onde discorren as rutas xacobeas.

Os Viqueiras de Ordes é un grupo de gaitas tradicional formando o cuarteto gaitas, tamboril e bombo.

Contan cun amplo repertorio de pezas tradicionais.

Esta programación pode sufrir modificacións. Confirmar datas e horas nos espazos onde se representa.

Dende Maelock é percorrido polas composicións máis lendarias do grupo Milladoiro dende as súas orixes ata hoxe. Unha homenaxe á longa traxectoria do grupo folk galego por excelencia.

Este concerto forma parte de Cultura no Camiño, programación que leva música, teatro,  danza, maxia e novo circo polos concellos onde discorren as rutas xacobeas.

Carapaus é o nome que reciben os xurelos no sur do país e en Portugal. Cinco músicos formados durante anos na música tradicional, xúntanse para dar forma a este grupo de recente creación o grupo fai soar nos seus concertos múltiples instrumentos (gaitas, acordeón, frautas, zanfona, percusións tradicionais, e sobre todo voces) combinados en diferentes formacións.