"Blackbird”: merlo. “Black”, negro, representa a morte, o mal e o descenso á tumba, mentres que “ bird”, paxaro, simboliza a vida eterna e o ascenso aos ceos. O “blackbird” simboliza a tensión entre a alma e o corpo, o espiritual e o terreal.
Como serían os tres porquiños e o lobo feroz hoxe en día? Onde poderían atopar un lugar seguro e limpo, lonxe das grandes fábricas, no que poder construír as súas casiñas? Que ritmos musicais empregarían para se presentar?
A resposta a todos estes interrogantes, coma todo, está nos libros, e tamén na moderna historia que vai construíndo un explorador afeccionado aos contos que percorre o bosque na procura dos seus personaxes favoritos. Adiviñades cales son?
Eu son Pepín, o Grilo Pepín, e a historia que vos vou contar neste espectáculo comeza no taller dun carpinteiro, Geppeto.
El é un home con idade dabondo para ser avó pero que nunca tivo fillos. Un bo día chegou ás súas mans un anaco de madeira moi, moi especial, e con todo o seu cariño traballouno ata convertilo nun fermoso boneco, Pinocho.
Geppeto soñaba con que Pinocho cobrara vida. Tan forte e sinceiro era o seu desexo que esa mesma noite a Fada Mimadriña presentouse na súa casa para encher de vida ao boneco e cumplir así o soño de Geppeto.
Un explosivo espectáculo de rúa onde grandes e pequenos poderán probar de primeira man os "efectivos" produtos do Doutor Milagre. Sufre de alopecia? Síntese debil e decaído? Sen apetito...de ningún tipo? Probe os produtos do Doutor Milagres e desaparecerán todos os seus problemas! Agobiado polas débedas, e coa necesidade imperiosa de facer fortuna, este atolado médico/inventor farase cun vello autobús para convertelo nun auténtico show da venda ambulante. Música, improvisación, xogo, baile, comedia, diversión e moito máis neste delirante espectáculo de rúa.
Eu queríame casare é a historia televisada de dous auténticos perdedores que buscan a súa última oportunidade no amor. Antón e Lola están cerca dos corenta anos e están buscando unha relación máis... menos... unha relación á que poder agarrarse como clavo ardendo antes de pase o tren, pase o arroz e pase... o que teña que pasar.
Coñécense nun destes programas televisivos de "cita a cegas", a cousa non funciona, pero Antón e Lola, Lola e Antón son de todo menos predecibles e pode acabar pasando calquera cousa. Poñanse no peor.
Son catro vacas. Catro vacas que rin e cantan. Presentan un espectáculo fresco como a auga dos regos. Disfrutan riba do escenario para que vós disfrutedes. Mistura de voces e guitarra, armonías que estimulan os sentidos. Veñen de facer unha xira mundial de máis de 120 concertos. Grandes festivais, sesións vermut ou verbenas. Encheron prazas e teatros. Gañaron premios, fixeron galas, bandas sonoras para programas de radio e televisión e músicas para anuncios publicitarios.
Sinopse: podería ser unha aldea galega pero é unha pequena illa irlandesa. Anos 30. Personaxe curiosas, pintorescas, características, seres máis ou menos adorables, máis ou menos odiosos que, nun mundo física e humanamente illado, viven as súas vidas cativas como poden e como saben.
Entre eles hai un tullido, un ser desfavorecido que ten unha ansia que para el parece extremadamente difícil: transcender ese ámbito preto que está obrigado a habitar; un discapacitado que persegue un soño que nel parece empresa imposible: ser amado e valorado como calquera outro.
Dirección: Cristina Domínguez
Autor: Cándido Pazó
Elenco: Susana Dans, Casilda Alfaro, Mónica Camaño e Rocio González
Elenco:
Sérxio Crespo Gómez, Joao Alvim e Araujo, Miriam Crespo Gómez
Asacocirco chega cunha proposta diferente no panorama dos espectáculos dirixidos ao público infantil. Unha aposta teatral baseada nas artes circenses e presentada con agarimo aos máis pequenos. Moitos estímulos, unha linguaxe simple, outro sentido do ritmo e tempo con música ao vivo e moitas sorpresas.
Sherlock Holmes é un espectáculo de teatro con comedia, maxia e moito humor. Un show dirixido a público familiar.
O famoso detective tentará resolver o misterioso roubo da mansión. Os feitos producíronse durante a noite na que a baronesa celebraba o seu aniversario.
Que ninguén saia da casa! Todos son sospeitosos! O cociñeiro, o maiordomo, todos os convidados. A propia baronesa tamén é sospeitosa! Mesmo algún espectador do público podería ser o culpable...
Coa axuda do público Sherlock resolverá o caso. A duración do show é de 70 minutos.
.
