Jazz

O contrabaixista santiagués Alfonso Calvo acode ao Festival ImaxinaSons en formato de septeto, acompañado polos músicos Pablo Castaño, Xosé Miguélez, Rubén Salvador, Luís Miranda, Manuel Gutiérrez e Xabier Barral.

O septeto presentará o disco Sea Ahead, o segundo traballo de Alfonso Calvo, un músico que se iniciou na música de forma autodidacta con 16 anos, idade a quecomezou a tocar o contrabaixo. A agrupación contará cun invitado especial na súa actuación en ImaxinaSons: o músico Ton Risco, que se encargará do vibráfono.

Julián Elvira é un músico experimental e vangardista especializado na interpretación con frauta travesera, un instrumento que aprendeu a tocar no Real Conservatorio de Música de Madrid.

Javier Marcos é un cantante de jazz vigués que destaca pola súa polivalencia vocal, podendo abordar coa súa voz diferentes estilos deste xénero. Marcos compaxina a súa carreira como solista co seu papel como cantante da agrupación de jazz manouche David Regueiro Swingtet e da formación de ska Transilvanians.

Este vigués afincado en Francia é un músico de jazz especializado na guitarra eléctrica, instrumento co que presentará en ImaxinaSons o seu proxecto ARK. En 1995 márchase a Estados Unidos a estudar composición e guitarra jazz. Alí comeza a colaborar con artistas como Maria Schneider ou Kenny Wheeler.

Albert Cirera actúa no Festival ImaxinaSons co seu proxecto Cicerot, un proxecto de saxofón en solitario.

Cirera iniciouse no mundo da música con 6 anos, idade na que comezou a súa formación como violinista, instrumento que acabará remplazando polo saxofón.

Marc Ducret é un guitarrista de jazz francés, coñecido polas súas habituais colaboracións co saxofonista Tim Berne, co que publicou máis de quince traballos e co que actúa de forma habitual.

En 1997 crea Marc Ducret Trío, unha agrupación que editou varios directos, ademais dos discos L´Ombra dei Verdi en 1999 e Qui parle?, un laborioso proxecto editado en 2003.

Marc Ducret Trío está formado por Marc Ducret, guitarrista; por Bruno Chevillon, encargado do contrabaixo e do baixo eléctrico, e por Eric Echampard, batería da agrupación.

Dani Font, David Puime e Alex Touceda conforman David Puime Trío, unha agrupación de jazz viguesa formada por batería, guitarra e contrabaixo. Xuntos, estes galegos interpretarán un repertorio musical no que a guitarra cobra un especial protagonismo, influenciados polo traballo de reputados guitarristas da historia do jazz como Jim Hall ou John Abercrombie.

Abe Rábade Trío, acode ao Festival ImaxinaSons a presentar o seu último disco Once. O disco está formado íntegramente por sete temas propios da banda e por catro versións de temas de clásicos do jazz como Con alma de Dizzy Gillespie ou Smole gets in your eyes de Jerome Kern.

O pianista e compositor de jazz berlinés Alexander von Schlippenbach acode ao ImaxinaSons co seu disco Monk's Casino, publicado en 2005. Neste disco, o músico alemán interpreta ao completo as composicións do icono do jazz Thelonious Monk.

Schlippenbach iniciouse na música cando era un neno. Tras estudar piano clásico comezou a traballar como compositor para radio e cinema e máis tarde iniciouse no mundo do jazz.

Temas orixináis de Alfredo García interpretados por:

Alfredo García ( guitarra eléctrica)
Iago Mouriño ( piano)
Pablo Pérez (contrabaixo)
Bruno Couceiro (batería)
Jose García (saxo)

Máis información, aquí.