Raíz/folk

Xorde este grupo en 1992, nun obradoiro de música tradicional, dentro das actividades escolares do colexio Altamira.
O grupo Donicelas de Salceda de Caselas, logo de máis de vinte anos de andaina na música tradicional, presentan o seu segundo traballo discográfico, titulado Donicelas. Na gravación realizada en Estudios Ancestral (Ponte Caldelas), o grupo conta coa colaboración de artistas invitados como Uxía Senlle, Paulo Nogueira, Isaac Millán, Miriam Lorenzo e antigos compoñentes que estiveron no grupo (Xosé L. Sanromán, Xulio Lorenzo, Isa Troncoso, Tere Pérez e Olaia Alonso).

Andrés Penabad é un acordeonista folk cunha longa traxectoria profesional. Despois de formar parte, durante dez anos, de Muxarega e colaborar con outros músicos coma Kepa Junquera, Óscar Fernández ou Pablo Díaz, lanza o seu primeiro traballo en solitario en 2014 Crossing, un álbum formado por once temas nos que o acordeón é o protagonista e no que conta coas participacións de Kepa Junquera, Bieito Romero, Davide Salvado, Edelmiro Fernández e Pedro Fariñas.

En 2016 saca o seu segundo disco Bipolar.

Son al son é unha agrupación musical que nace na Coruña, co propósito de interpretar e difundir a diversidade de xéneros e ritmos da música cubana, interpretando mambo, guaracha, danzón, boleros, rumbas, sones, etc.

O grupo Boj nace no ano 2002 con só dous integrantes: Koke Folgueira (guitarra e bouzuoki) e Xaime Villamor (frauta e gaita). O repertorio nesa época do grupo era moi variado, con pezas de diferentes tradicións e folklores como o galego, asturiano, irlandés, escocés e bretón, e as actuacións que facía o grupo eran xeralmente en pubs, festas e algún que outro festival. A finais de 2004 súmase a expedición Pablo Vergara (bodharm) e o grupo segue conservando o seu repertorio habitual.

O dúo formado por Iria Estévez e Gonzalo Piña (membros fundadores do grupo Clave de Fado) presentan o proxecto de Fados e músicas do mundo no que fan un percorrido ao longo da lusofonía atlántica (fados, música caboverdiana, músicas do Brasil, cantigas galegas, etc.)
Unha proposta diferente acadada grazas á versatilidade da voz de Iria e da mestría de Gonzo e logrado por unha ampla variedade e diversidade no seu repertorio.

A Troba do Bugallo son un grupo de música popular, e de composición propia que nace en Lugo no ano 2014. Música popular galega feita desde un punto de vista festeiro e retranqueiro
O grupo está composto por Eva de la Torre (acordeón e voces), Simón Piñon (guitarra, gaitas, frautas e voces), Elisa de Tome (voces) e Juanjo Rodicio (guitarra e voces).

As Minas Flamenco Tour xorde no ano 2012 como unha iniciativa de internacionalización para levar o Flamenco polos cinco continentes, ademais de organizar xiras por España. Desde entón, visitaron países como Xapón, India, Bélxica, China ou Estados Unidos.

Moutinho pasou das casas de Fado lisboetas a grandes teatros, auditorios e festivais de todo o mundo, nos que presenta un repertorio inmellorable cunha posta en escena única. A voz de Hélder Moutinho unha voz que permanece, unha voz poderosa e discreta, grave e sen desatinos, que introduce ao oínte na canción.

De Portugal a Galicia Fado, é a presentación do novo disco de María do Ceo, o disco número 12 da súa carreira e no que a música de María do Ceo vai desde Porto a súa terra natal ata Burela.

O Fado Miñoto, ese que nace en Galicia e remata no Porto. Ese Fado cheo de melancolía, tenrura e paixón que María do Ceo sabe dar en cada disco e en cada concerto.

Neste festival os organizadores, a Banda de Gaitas Xarabal e a Agrupación Folclórica Lembranzas Galegas, están enriba do escenario acompañados de moitos amigos e compañeiros Anxo Lorenzo, Cristian Silva, a Banda Valladares, Ernesto Campos, Begoña Riobó e o seu grupo Riobó, Anxo Pintos. Coa recadación pola venda de entradas as bandas organizadoras participarán no desfile de San Patricio de Nova York no mes de marzo.