Neste proxecto únense tres músicos indispensables dentro da escena musical galega, o violín de Quim Farinha, o acordeón diatónico de Pedro Pascual e o contrabaixo de Kin García. Xuntos propoñen unha viaxe a través das músicas populares de Galicia e de outras latitudes. O repertorio complétase con composicións propias. Todo isto aliñado con distintos enfoques estéticos que van desde a linguaxe do jazz pasando polo tango ata a tradición musical europea.
Banda de folk fusión que aposta pola mestura de xéneros, estilos e sons. Unha visión da música que fuxe do contemporizador na procura do ecléctico, filosofía que é aceno de identidade do grupo e que xorde directamente da variedade de influencias musicais dos seus propios compoñentes: folk, rock, jazz, clásico,... Virandeira Folk prosegue adiante na súa andadura polo panorama musical galego coa presentación dun novo disco, Metamorfose, unha proposta musical viva, fresca, moderna e singular.
Red Beard presenta o seu novo EP "Nobody's Gonna Bring Me Down". Ademais de artistas poderíaselles considerar artesáns. A factura das súas cancións é excepcional. Escoitarlles é trasladarse directamente a Nashville, os Spaguetti Western ou as bandas sonoras de Ennio Morricone. Beben de Johnny Cash ou Blackberry Smoke pero, sobre todo, hai verdadeira paixón por facer as cousas ben.
Juraj Dufek é un gaiteiro e construtor de gaitas de Eslovaquia. Compoñente de grupos folk eslovacos Keltieg, Safran, Banda, Folk and Bass Orchestra, tamén traballa co grupo nacional de baile e música tradicional (SLUK). Fundador da primeira banda de gaitas eslovacas, Spojené huky Slovenska (Roncónes Unidos de Eslovaquia). Neste concerto presentarán xunto coa súa esposa Miroslava unhas pequenas mostras da riqueza de música tradicional do seu país, do corazón de Europa. Música instrumental con varios tipos de gaitas, frautas e violín, cantos rituais e bailes populares.
Juraj Dufek é un gaiteiro e construtor de gaitas de Eslovaquia. Compoñente de grupos folk eslovacos Keltieg, Safran, Banda, Folk and Bass Orchestra, tamén traballa co grupo nacional de baile e música tradicional (SLUK). Fundador da primeira banda de gaitas eslovacas, Spojené huky Slovenska (Roncónes Unidos de Eslovaquia). Neste concerto presentarán xunto coa súa esposa Miroslava unhas pequenas mostras da riqueza de música tradicional do seu país, do corazón de Europa. Música instrumental con varios tipos de gaitas, frautas e violín, cantos rituais e bailes populares.
Sleeping cat nace oficialmente o 1 de Maio de 2010 en Noia.
É un proxecto que leva forxando na cabeza de Jerry Noia moito tempo, cun son de claro corte Folk americano pero no que hai claras referencias británicas polo que se podería dicir que a súa música bebe de fontes a ambolos dous lados do gran charco. Grupos como The Beatles, The birds, Simon & Gartfunkel ou os mesmísimos Fleetwood Mac como referentes máis destacables.
Mini e Mero son cantores do país, que gustan da nosa Cultura e da nosa Tradición, dos nosos escritores e poetas, fan da nosa lingua unha musicalidade fermosa, están aquí para servir e non para servirse. Contribúen á recuperación do patrimonio cultural do noso país, ao seu mantenemento, exercen e son grandes activistas culturais, defenden a lingua, a memoria histórica...
Galandum Galundaina forma parte da xenealoxía dunha rexión cun patrimonio musical e etnográfico único, que durante moito tempo ficou esquecido. Nos últimos 20 anos o grupo contribuíu ao estudo, conservación e divulgación da identidade cultural das Terras de Miranda, Nordeste Transmontano.
Nada en Río de Janeiro, en 2006 trasladouse a Francia, onde ademais de gañar un concurso musical coñeceu ao músico camerunés Pierre Bika Bika, quen a introduciu nos ritmos africanos e axudoulle a compoñer o seu primeiro disco, "Bossa Muffin", que saíu ao mercado en 2011. A mestizaxe de ritmos e estilos que mostra o seu traballo foi recoñecido con galardóns como o Génération Réservoir Newcomer ou o Golden Women Music Breakthrough.
Batital é un grupo que nace en 2007 da ilusión de varios afeccionados á música con experiencia en distintas agrupacións. A banda interpreta músicas do mundo, conservando as raíces da música tradicional galega que se fusiona cos máis variados estilos musicais. Varios foron os recoñecementos obtidos por Batital, entre os que destacan o Primeiro Premio no Certame de músicas emerxentes "NOVOSON" de Radio Galega, e o Primeiro Premio no Concurso A Coruña Son 10 organizado polo Concello da Coruña.
