Raíz/folk

Ghaveta presenta "A raíz do Pensamento" o novo de Beatriz Martínez (arpa), Diego Langarika (bouzouki e guitarra), Felipe Rodicio (violín) e Marta Martínez (voz, percusións y bouzouki).

Un traballo moi persoal e coidado no que a música tradicional galega continua a ser a gran protagonista sempre engalanada, con profundas armonías e ritmos.

En Ghaveta, corda, voz e percusión conxugarán en tódalas formas posibles na procura da emoción o ritmo, e o baile, que se culmina nunha conexión directa co ouvinte ata que é completamente partícipe dos directos.

Presentamos un proxecto conxunto que une Ás Cantigas de Elena, a Pepe Vaamonde Trío e á marabillosa voz de Xisco Feijoó. Con el, compartimos e queremos compartir co público o gusto e o respecto pola música tradicional. Así é que, este espectáculo vai dirixido a todos e todas aquelas que disfruten bailando ou escoitando, tanto a música tradicional como as composicións baseadas nesta.

Astrogirl é María Jesús Cabana, artista coruñesa que comezou a súa aventura musical en 2014.

Desde moi temperá idade soubo que o que quería era facer cancións e subir aos escenarios. Con esta idea en mente aos 7 anos empezou a prepararse tomando clases de música e diferentes instrumentos, pero as aulas dos conservatorios non podían ofrecerlle o que buscaba e as súas aspiracións víronse frustradas.

Arxe utiliza a música de raíz combinada coa música de autor para crear o seu propio selo. Bebe da raíz da música tradicional coma unha árbore se nutre do seu redor para medrar e crear novas formas. Fai unha viaxe inspiradora polas músicas e ritmos galegos; xotas, rumbas, muiñeiras... mesturádoos con influencias doutros folclores e rítmos.

Andoa  é unha banda de música folk atlántica, como son a irlandesa, escocesa, galega...

Os compoñentes de ANDO,; Ricardo Mouriño (low whistle, frauta travesera e gaita galega), Iago Boente (bouzouki) e Roi Adrio (percusións) teñen unha ampla traxectoria no mundo da música tradicional así como noutros xéneros musicais que van desde o reggae, jazz, etc.

CORDEL é un proxecto dos cantautores Edu Mundo, poeta e natural contador de historias, e João Pires, compositor, guitarrista e xeógrafo dunha cartografía musical moi persoal. O seu primeiro disco lanzouse en maio 2019 e o próximo outono lanzarase o segundo en España e Portugal, co selo de Warner Music España.

Logo de trinta anos de traxectoria Treixadura continúa a reinventarse e seguir andando camiños musicais, sempre a carón da nosa tradición.

Treixadura constitúe dende 1990, un espectáculo musical sorprendente. A música tradicional observada desde dúas concepcións ben arraigadas: o canto e a gaita.

Durante ese tempo o grupo foi modelando o seu camiño, transformando o estilo, sen renunciar ao seu son característico. Fieis ao compromiso co seu público, tentando  elevar a interpretación da música tradicional ao máximo nivel artístico e escénico.

O Camiño do Holandés e a EuroVelo, máis coñecida como Roteiro das Peregrinacións, trocarán o seu habitual ritmo de pedaladas por outro moito máis festeiro, o da música tradicional.

A Pinguela de Bama, As Nenas do Sapo Dourado, Os da Porfía e Tanto Nos Ten, farannos gozar a todos, tanto á veciñanza como aos visitantes, peregrinos todos desta gran noite do Camiño no Campo da Festa de Fonte Díaz.

Concerto en formato de cuarteto sobre as músicas reinterpretadas do compositor José Castro “Chané” en clave de jazz cubano para presentar o disco que se lanzou este outono nun proxecto especial argallado pola Central Folque para conmemorar o centenario da morte do xenial músico.

Este concerto de Alejandro Vargas Trio coa cantante Rosa Cedrón fai un repaso dos 12 temas do disco de “Chané na Habana”, gravado a finais de xullo no Auditorio de Galicia para sexteto de jazz e camerata clásica.

Este é un festival gratuíto na área recreativa de Samugueiros, no centro da Pobra do Brollón (Lugo).

Celébrase en horario de tarde-noite. O inicio será ás 19.30h co espectáculo familiar ‘Concerto singular’, unha comedia musical e xestual da compañía Píscore.