Danza, música, literatura, teatro, audiovisuais, ilustración, humor... A Sala Mózart do Auditorio acollerá a presentación dun amplo abano de propostas artísticas e escénicas que teñen como único e común requisito non superar os cinco minutos de presentación.
Entrada aberta ata completar aforo.
O Parque Arqueolóxico da Cultura Castrexa celebra unha das súas datas máis especias: o seu segundo aniversario.
Teñen preparadas unha morea de actividades para o desfrute de pequenos e maiores:
- visitas guiadas
- exhibicións de orfebrería castrexa, de caza na prehistoria, da orixe do lume e de tecidos e teares.
Todas as actividades son de balde coa entrada do PACC. As visitas guiadas teñen un número limitado, polo que é precisa a inscrición.
Estes encontros pretenden ser un lugar de traballo e reflexión ao redor do presente e do futuro dos centros e institucións de arte contemporánea. Nun momento de cambios, tanto na esfera social e política coma na dirección do propio CGAC e doutras institucións públicas galegas, cren oportuna esta cita para falar sobre o modelo de museo que queremos e necesitamos, compartindo experiencias de profesionais da escena galega e tamén de fóra de Galicia.
O Concello de Ribadeo súmase ás actividades conmemorativas do 179 aniversario do nacemento de Rosalía de Castro. Nesta ocasión, cun recital poético de lecturas rosalianas, da man de Xavier Baixeras.
O Concello de Rianxo súmase aos actos de homenaxe ao Día de Rosalía, polo 179 aniversario do seu nacemento, e acolle no Auditorio Municipal a presentación da edición crítica de Follas Novas, de Anxo Angueira, coa participación do autor; de Manuel Bragado, director de Xerais Editora; Xosé Luís Axeitos, mestre e académico da RAG.
Unha hora e media antes, ás 19. 30, farase unha ofrenda florar no monumento de Rosalía que hai no paseo da Ribeira, cun recital do alumnado do IES Félix Muriel.
O Concello de Ames organiza un acto literario-musical para homenaxear á escritora.
O autor Maximino Viaño e a profesora e crítica literaria Dolores Vilavedra lerán varios versos da escritora. Tamén se sumarán a este recital alumnos dos centros públicos de Ames, integrantes do Club de Xubilados de Milladoiro e participantes no taller municipal de lingua e cultura galega.
Entre as distintas lecturas iranse intercalando actuacións musicais a cargo da artista Xiana Lastra, que estará acompañada ao piano por Adrián Saavedra, e polo cantautor punk O Leo i Arremecághona.
O Concello da Estrada celebrará ese día acompañado por mozas e mozos dos colexios e institutos do concello así como do grupo Cantar a Mares.
Comprender o Camiño de Santiago na súa totalidade, onde importan tanto peregrinos como habitantes de Compostela, é unha das orientacións do proxecto que o grupo de Estudos da Cultura Galabra presenta no marco dos “Encontros monográficos co Patrimonio Cultural”. Esta iniciativa da Sección de Patrimonio e Bens Culturais do Consello da Cultura Galega busca xerar debate e difusión entre a cidadanía, as administracións e os profesionais arredor de bens patrimoniais sobre os que se estean a desenvolver actuacións.
POETAS DI(N)VERSOS segue a demostrar a súa solidez, excelencia e boa saúde renovando a súa vitalidade a través dos anos. A coidada programación poética da Concellaría de Cultura da Coruña volve por oitavo ano con novas citas mensuais que reunirán poetas de Galicia e do mundo en encontros abertos e gratuítos. O único ciclo estable que inclúe poetas internacionais de xeito regular en toda España, regresa así ao centro Ágora
POETAS DI(N)VERSOS segue a demostrar a súa solidez, excelencia e boa saúde renovando a súa vitalidade a través dos anos. A coidada programación poética da Concellaría de Cultura da Coruña volve por oitavo ano con novas citas mensuais que reunirán poetas de Galicia e do mundo en encontros abertos e gratuítos. O único ciclo estable que inclúe poetas internacionais de xeito regular en toda España, regresa así ao centro Ágora
