Juan Manuel Bonet, un dos nomes máis sólidos da crítica artística en España, xunto a Xosé Luis Suárez Canal e Manuel Sendón, referencias na investigación da fotografía galega e comisarios da mostra, analizarán a obra de Suárez e revisarán unha biografía na que se atopan moitas claves do seu traballo. Alfonso Penela, representante da arquitectura galega máis contemporánea, explicará nun percorrido pola exposición José Suárez.
Para celebramos estas festas e despedir este 2015, a Fundación Rosalía de Castro celebra un "combate poético" entre a banda de Laíño e a banda de Lestrobe, no que participan as e os poetas María Lado, Lucía Aldao, Xabier Xil Xardón, Daniel Landesa e Edu Estévez.
Este ano cúmprese o centenario do nacemento de Koldo Mitxelena e Ramón Piñeiro, dúas figuras senlleiras das culturas vasca e galega. A convivencia durante anos nos cárceres franquistas forxou entre eles unha amizade persoal que durou o resto da súa vida.
O Seminario de Estudos Galegos, o Instituto Padre Sarmiento e o Consello da Cultura Galega... Xosé Filgueira Valverde estivo implicado tanto na construción como na reactivación de entidades culturais nun momento tan relevante como foi o da construción da autonomía. Disto falarase na segunda xornada "Figueira Valverde na Cultura galega do século XX" que acolle o Consello da Cultura Galega, que comezou o 10 de novembro no Museo de Pontevedra e continúa o 26 de novembro na sede da Real Academia Galega e o 27 de novembro na Fundación Barrié, ambas dúas na Coruña.
Xornada de acción artística que conta coa realización de dúas performance premiadas, a partir dunha convocatoria aberta e unha clase maxistral dunha artista de recoñecido prestixio internacional: Alicia Framis.
Este encontro conta co patrocinio da Consellería de Cultura da Xunta de Galicia, e coa colaboración do NH Collection Santiago (que en marzo acolle unha nova edición da feira), ademáis do apoio do Centro Galego de Arte Contemporánea.
A Real Academia Galega colaborando co Concello de Cambados réndenlle homenaxe á obra de Ramón Cabanillas Vento mareiro, no primeiro centenario da súa publicación, na vila natal do escritor.
Relatorios:
O Museo das Peregrinacións e de Santiago comeza unhas xornadas de portas abertas durante as que se poderá visitar de balde a sede de Praterías de Peregrinacións. Os visitantes poderán comprobar o resultado dun proxecto museográfico que reforza e clarifica o discurso expositivo e a posta en valor das pezas amosadas neste centro de titularidade estatal e xestión autonómica.
Tunos veteranos representantes de universidades de España, Portugal, Holanda e México conmemora en Santiago o centenario da primeira edición da novela La Casa de la Troya, de Alejandro Pérez Lugín.
Actuarán polas rúas e prazas da cidade durante dous días e celebran un festival no Auditorio Abanca o sábado pola tarde.
Curso que propón un amplo percorrido polo cambiante mundo da imaxe e do cinema das dúas últimas décadas —nas que o cinematógrafo, ademais, cumpriu os seus primeiros cen anos— e as súas transformacións estéticas, narrativas, tecnolóxicas ou políticas.
Desde finais da década dos 70 vimos asistindo a un rexurdir da nosa música popular, posto de manifesto no cada vez maior número de persoas que se dedica a este campo do noso acervo cultural, ben desde a interpretación, a recolleita, a investigación, o ensino…, ben desde a divulgación, a organización de mostras, festivais, xuntanzas, seminarios, etc.
